品味冰室

Open Now

Now Closed

日日食Lunch都係炒粉麵飯，都想有啲變化。今日發現呢間茶餐廳，竟然有老火燉湯飲，真係要試吓。都市人日日都忙返工，放工忙家務，想飲啖湯水，真係難過登天，想飲一啖老火燉湯，更加難上加難。今日食午飯，見到呢間餐廳有湯飲，就衝入去諗吓。佢哋個餐係跟飯，飯就無咩好介紹，重點我想講吓個湯，花𣄃參椰子鮮雞燉湯。一上菜，個湯熱辣辣，店員介紹係日日朝早開始燉，午市開始賣，而且好快賣晒。我飲咗一啖，就明白晒，個燉湯好好味，入邊好足料，一入口就知道無加味精，唔會飲完好口渴。燉湯味道濃郁之外，湯料都可以食埋，湯料用來餸飯一流。飲完個湯，食埋碟飯，飽到上心口。咁好味嘅湯，都係賣六十幾蚊跟飯同飲品，我得一個字可以講，抵食😂店員重同我講，佢哋個燉湯會成日轉，叫我多啲幫襯。講真，呢個價錢，飲到真材實料嘅燉湯，佢唔講，我都會得閒過去食Lunch，鬼叫屋企無時間煲湯咩。大家如果都想飲到真材實料嘅燉湯，都可以去試吓，應該唔會失望。