森記甜品之家 (Closed)

12月18日, 食完飯又生蟲地搵甜品食~ 今次終於食到呢間長期人頭湧湧石塘咀老牌傳統甜品之家啦！::: 海帶百合綠豆沙 ::: $9平時食慣嘅綠豆沙都係海帶香草, 好少見換上百合煮綠豆沙! 雖然係傳統糖水舖, 但糖水都有冷熱可選, 呀菲照例要了凍的~ 一貫老牌糖水店做法, 凍糖水都係一早入晒碗放入雪櫃冷藏好, 所以上枱時都係d豆沙海帶沉晒底, 要自己攪一攪佢先食得. 綠豆唔太起沙, 而且味道頗甜… 呀菲亦唔鐘意佢d大大塊海帶… 係傳統的, 但味道一般.::: 冰花燉蛋 ::: $11冰花燉蛋都係喺雪櫃攞出嚟, 好處係唔駛等, 即叫即有~ 夠晒凍, 好消暑! 燉蛋甜味夠, 雖然顏色好黃, 但蛋味就略為淡, 不過食過其他地方嘅燉蛋, 呢個算幾好的了…糖水餐牌雖然都係一眼睇晒嘅傳統款式, 但一路食都keep住好多人等位~ 而且食客由學生哥到老伯伯都有! 受歡迎原因, 除了因為佢嘅傳統味道外仲因為佢價錢真係夠平吧!