喜來稀肉 (登龍街)

Open Now

Now Closed

間唔中都會去食吓燒肉，今次過咗嚟呢間都出名同開咗好耐嘅韓燒「喜來稀肉」，好多地方都有分店，今次就過咗嚟銅鑼灣分店。佢嘅性價比其實都高，食物質素OK，而且仲有我最鍾意嘅爐邊蛋，有芝士同泡菜味前菜大約有六款可以選擇，以自助形式放喺出面，醬料、生菜、湯同爐邊蛋都可以任加任拎我哋叫咗啲燒肉同飯護心肉係牛肉比較珍貴嘅部份，亦都係佢哋嘅招牌，燒香之後油脂唔會太多，肉質嫩滑牛五花份量都多，有成十幾塊，薄薄嘅一片而且醃得都入味，燒十幾秒就可以食得韓豚五花肉肥瘦均勻而且入味，呢個本身燒嘅時候會出好多油，建議點埋醬汁蒜頭同包埋生菜一齊食，咁樣就冇咁油膩石鍋牛肉拌飯，用石鍋上碟夠晒熱辣辣，撈埋韓式辣醬同上面嘅配菜一齊食幾惹味，拌飯邊仲有少少飯焦口感唔錯整體嚟講性價比都算高而且食物質素都keep到，溫馨提示呢度個火都幾大，所以建議唔好開到最大，如果唔係啲油會彈晒出嚟同埋突然比d肉油trigger到好大火