廟街牛雜

Open Now

Now Closed

呢間牛雜舖由當年老闆仔嘅阿爸阿媽(估計係)年代已經開始幫襯，當時仲係車仔檔，喺衣家舖頭對住嘅廟街街口，當年斜對面仲有個阿姐賣炸豬大腸，堅好食，佢仲教我要食腸頭，回味！講返牛雜，基本上我就係鍾意呢檔夠刁鑽，可以食到好多出面無乜人做嘅部位，一般人食嘅肺、腸、膀、肚，除咗牛肺之外其他嗰d我都唔太鍾意食，因為嫌佢普通得滯，我嘅心水係脆骨同心定，脆骨其實就係喉嚨位置(應該係，除非唔係)，含大量軟骨，至於心定就係心臟頂嘅大血管，好爽架，質感似牛黃喉，如果大家都鍾意刁鑽位，咁就真係要試吓啦。