新樂餐廳 (Closed)

來這間老牌酒店餐廳吃飯是一種情懷。記得以前小時候，爸爸同我慶祝生日一定帶我來此酒店吃飯，當時心情雀躍到前一晚興奮到睡不着教。這間餐廳前身在我印象中小時候來時，是一間中式餐廳酒樓，經過時間的洗禮，現在已變了一間新式西餐廳了。這裡晚餐是半自助的。只要點一個主菜，salad bar、 湯、甜品、飲品都是任食的。好抵食呀！老公點了黑椒豬手，好鬼大隻，肉質一D都唔乾身，好冧好juicy。我點了香煎龍脷柳，D龍脷柳煎得好香口，入口D魚都好有鲜味，滿意。Salad Bar 雖然不及其他酒店咁多選擇，但都尚算可以。湯類都不錯，我飲左個西洋菜中式湯，好夠熱，又清甜。老公飲左個磨菇湯，他話好creamy, 好香，好飲。Dessert Bar 甜品雖然種類不多，但竟令我驚喜，甜品味道不錯，嫩滑、細緻，不太甜。我拿了成碟甜品，每一種甜品都覺得好食啊！另外還有一個專人即做的waffles bar, 實在好吸引，只可惜肚皮融入唔到呢！老公對今次晚餐很滿意，仲話以後又多個飯堂台腳啦！