新樂餐廳 (Closed)

上星期看新聞見到新樂酒店及餐廳將會在6月13日後結業，我們一家感到驚訝之餘，也覺得非常可惜，畢竟新樂酒店及餐廳已有超過60年的歷史，再加上父親節當天因工作關係不能全家人一起慶祝，因此我們一家三口立即致電新樂餐廳，預訂今晚6點半的檯提早吃父親節晚餐😋由於我們比預定時間早到，所以先在酒店正門拍照留念，一踏入酒店正門，我們就感受到職員的良好服務態度，無論在酒店抑或餐廳工作，他們都很主動協助顧客。到了預定時間，我們在酒店職員帶領下，經升降機到達位於酒店閣樓的餐廳。跟以往的半自助晚餐不同，今次晚餐是供應套餐，每位一律118元，不收加一，主菜有兩個選擇：照燒雞排及香煎豬排配蒜蓉汁，可選配白飯、意粉、薯菜等伴碟，另外附送沙律、餐包、餐湯、甜品及餐飲，合共只是118玩，真是十分划算。當我們坐下時，服務生立即送來水及蒜蓉包，每人會有2塊，蒜蓉包烤得很脆，十分好吃，如果麵包上有更多蒜蓉就更好了。吃過蒜蓉包後，我們立即下單，點了兩份香煎豬排配蒜蓉汁及薯菜、一份照燒雞排配意粉。之後，服務生送上雜菜沙律和忌廉磨菇湯，餐湯好夠熱，但是忌廉味就比較淡；雜菜沙律的沙律菜普普通通，不過醬汁十分開胃，補救了沙律菜的不足。

新樂酒店從來都不是一間起眼的酒店, 但當日經過見餐廳午市套餐幾吸引, 就同家人一試。餐廳本身擺位頗寬敞, 設有卡位, 疫情關係餐廳亦會額外安排每枱食客保持足夠距離。用餐當日人流唔算多, 所以環境幾安靜, 適合同朋友傾偈敘舊。午市套餐$88(未加一), 包括沙律、餐湯、甜品及飲品, 價錢實惠, 而且所有主菜即叫即煮。香煎豬柳配飯: 兩塊豬柳, 份量多可以滿足男士的食量。表面煎得香脆, 肉質好稔但juicy。炸魚柳同照燒雞扒同樣高質, 但雞扒只得一塊, 而且薯菜份量比較少感覺無咁抵食。整體嚟講是次惠顧印象幾好, 會再光顧!

無論在舊或新的新樂餐廳吃自助午或晚餐，也有多次了！但在假日幫趁是首次，也發覺今次的自助午餐款式十分合心意！我比較喜歡選擇熟食，沒有苦澀味、渣滓的柚皮，味道濃而不鹹。蘿蔔牛筋腩，我楝牛筋，炆得腍滑得宜燒豬柳肉配黑椒汁，肉質和味道都是滿意。曾經在多年前得獎的豬腳薑醋，非常好味，可以保持多年水準，十分難得。右邊是咖喱牛脷，牛脷夠腍滑却缺少甘香，咖喱味道雖然比較淡，但因為不是送飯，反而是很適合。蘿蔔糕很受歡迎，香煎得不錯，但我嫌粉質比較重。窩夫很香脆，又是保持水準之作！心型曲奇餅非常香脆可口，讚！服務水準也要一讚！還有多款美色未嘗已經很飽，朋友們都讚好的如皮蛋瘦肉粥、白灼涷蝦、清蒸鯇魚，唯有留待下次再來。

昨晚食完，要2百幾1位，O晒嘴冇野食的沙律吧，冇汽水機，只得熱啡熱茶，見到牛角包，面包仔格仔餠，以𤔡去食早餐剩低的包，有沙侓好少款生菓，西洋菜湯ok, 甜品d西餅有d凍到結冰，主菜冇驚奇，擺碟扮米知蓮……其實講咁多，咁價錢，大把日，韓式放題都好過你地，做飲食最忌吾俾人食，食系好主觀的，以上系昨晚成班朋友的共識，第ㄧ次去新樂亦都冇下次啦!

今天一行四人到這𥚃食自助午餐，十二點左右到達，差不多全滿，大多是退休人仕。凍海鮮試左凍蝦，都新鮮彈牙。大部分都是熱盤，蜜糖雞亦好香口，燒豬柳略為乾左d，咕嚕肉個汁甜甜酸酸好開胃，上海粗炒不太正宗。即製窩夫及熱香餅鬆軟非常，加了些花生醬、玉桂糖及煉奶，十分美味。杏脯批及梨批切到細細件，味道普普通通，但勝在份量細可以試一試，不用浪費。自助凍檸茶、凍/熱咖啡，也不錯。埋單每位 $160，同朋友食傾下，都抵嘅。順便一提，侍應都十分多及服務有禮。

之前都有食過，感覺性價比高，有沙律，甜品自助，當中重有熱葷，在反查開飯網都見到有羊腩及豬腳薑，所以才再次到訪，點知今次只有沙律，甜品，及兩盆冷麵，豬腳薑，羊腩及其他熱葷冇哂！問過侍應，他們回應豬腳薑只有午市提供。又中伏了。主菜叫了牛扒及牛尾。OK喇。飽是飽的，只是與原先的期望有落差。

今日四人行，想食下啲半自助餐semi buffet ，朋友做推介咗呢間舊式嘅百樂餐廳呢!原因。係可以坐一晚，無須1.5hour 内埋單。 食buffet嘅時間係由夜晚六點半至到晚上十點鐘 。 講真200幾元食一個餐都唔算好貴。我哋起 沙律吧度攞咗啲青菜食咗一陣,我哋就叫咗四個不同嘅main course 我就叫咗個比目魚配意大利粉,比目魚比較煎得香口,食落去味道不錯,而且配極小的 分量的意粉，可以不需浪費，很適合女孩子的食量。我朋友就叫咗個意式雲吞， 意式雲吞食落去比較 膩 一點， 如果不喜歡食creamy的東西，我就建議不要叫這個了。其餘的兩個朋友分別叫咗兩個五成熟嘅牛柳，牛柳 整出嚟的賣相不錯而且很淋好好味。整體嚟講 呢間老牌餐廳都 保持返一貫的水準， 不過不失

佰多元一個晚餐任食自助沙律、餐湯、麵包、甜品、飲品任坐二個半小時，除了抵就只有更加抵去形容佢， 新樂餐廳。自助沙律吧！仲有日式冷麵綠茶冷麵同蕎麥麵都不錯。👍甜品都不錯雪糕是牛奶公司的夾熱辣辣格仔餅一齊食別有一番風味！主菜 「香橙鴨胸」又估唔到咁好食喎！得 👍自己加錢的，白餐酒每杯 $60

某晚到新樂餐廳……因為自己訂錯地方……幸好有位好好的員工亞诲……希望我冇記錯他的名字……當晚真的好爆場……他為我特別特別安排了坐位……令我可以吃到我最喜愛的羊扒藉此多謝這位員工……今時今日有咁嘅服務……令人印象難忘……希望洒店可以加許這位員工

來這間老牌酒店餐廳吃飯是一種情懷。記得以前小時候，爸爸同我慶祝生日一定帶我來此酒店吃飯，當時心情雀躍到前一晚興奮到睡不着教。這間餐廳前身在我印象中小時候來時，是一間中式餐廳酒樓，經過時間的洗禮，現在已變了一間新式西餐廳了。這裡晚餐是半自助的。只要點一個主菜，salad bar、 湯、甜品、飲品都是任食的。好抵食呀！老公點了黑椒豬手，好鬼大隻，肉質一D都唔乾身，好冧好juicy。我點了香煎龍脷柳，D龍脷柳煎得好香口，入口D魚都好有鲜味，滿意。Salad Bar 雖然不及其他酒店咁多選擇，但都尚算可以。湯類都不錯，我飲左個西洋菜中式湯，好夠熱，又清甜。老公飲左個磨菇湯，他話好creamy, 好香，好飲。Dessert Bar 甜品雖然種類不多，但竟令我驚喜，甜品味道不錯，嫩滑、細緻，不太甜。我拿了成碟甜品，每一種甜品都覺得好食啊！另外還有一個專人即做的waffles bar, 實在好吸引，只可惜肚皮融入唔到呢！老公對今次晚餐很滿意，仲話以後又多個飯堂台腳啦！

老爸叫左成個星期，話要黎呢到食午飯。今日叫埋阿哥抽時間陪佢黎。話說我老爸對食要求好高，事關佢八十幾歲，眼又矇，牙又無力，味覺又奇特，食乜都話有骨，食蛋又例必有蛋殼....同佢出街食飯仲麻煩過同阿媽。不過，佢出到聲話掛住呢到既薑醋喎，咁未陪佢羅。新樂其實好耐歷史，記得細個時都有同父母黎食過，而且價錢大眾化，所以老爸以前都成日同親友黎食。我地11點半walk in入去，點知佢地話今日好full, 要坐到最入。無法啦，不過老爸拿食物就好唔方便啦😥😥十二點先開始，可以食兩個鐘。唯有等下啦。未到十二點，已經坐滿人啦。不過，點解咁多長者既？？？唔好理咁多，衝呀🏃🏃🏃🏃呢到竟然有柚皮食，我都好耐無食過了，令我諗起兒時回憶。支竹羊腩，略為切得太細件，但對長者黎講就易入口，老豆食唔到d皮，但肉就食到。唔好忘記拿旁邊既腐乳呀。三文魚厚切，新鮮，每次取一份都有四件。估佢唔到，老爸竟然食到d田螺。佢呢到d田螺好稔，出面個d通常都會好有咬口，所以食多幾粒都唔怕傷胃。不過味就差左d，薯蓉食唔到牛油味，只有淡淡既螺肉味。牛俐好大塊，又俾煮到好淋身。老爸唯一食唔到既食物，佢食慣左幼身既菜莖，呢到d太粗身，佢食唔到。食

這裡的半自助晚餐，價錢平，食物質數不差，羊架自助吧也有很多選擇，服务好好有礼貌，有笑容，甜品稍為争少少，這個價錢也有這樣的出品真是做得好好，直得一讚，環境新装修完坐🉐舒服，我们6人也食得開心，值得推介半自助晚餐，沙律吧有很多新鲜的菜尤其是火箭菜好多酒店都無供应就算有都不多，超新鮮，甜品有格仔餅，有小時候吃的啫喱杯，還有一定要試這裡的涼粉超正記得加花奶，生果也很新鮮，有綠茶同喬麥冷麵，中湯，西湯，糖水選擇，其实吃完自助吧的食物已经飽了7成，主菜最好選4成熟羊架超掂

一般般，周末也不太多人，11點半可入去坐，茶餐廳的食物，三種海鮮：螺5只中有4只全是沙，中中的青口，蝦，要求不高的可以接受。两大两小，四位自動八折，連加一共712.8元。甜品不太好吃。

新樂buffet老老實實，我已經來過呢間餐廳4-5年了。以前，餐廳位於酒店高層的，不過一樣冇景，裝修可以。依家搬咗去M層方便咗，但食種類小了幾款。以前有做西冷牛扒餐，依家冇咗。以前有泰國雞亦尖食，依家又冇咗。唉⋯⋯啲食材貴曬，連酒店都縮皮Lu....首先，光臨呢間餐廳時，各位要注意以下事項：1）唔好諗住呢個係自助餐或半自助餐，呢度應該去唔到你嘅要求。2）要諗住嚟呢度食個正餐，不過可以免費任飲餐湯，任飲奶茶咖啡，任食沙律。乎合以上兩點，嚟呢度就會覺得超質了。呢度嘅正餐okay的，有牛仔骨（兩塊)，羊扒(三塊），雞扒(兩大塊）⋯等等都是不錯的選擇！仲要有小量免費甜品及pancake....嘩，改咗諗法即時唔同曬⋯⋯價錢：$158 x 0.85 + 15.8$248 x 0.85 + 24.8算係咁啦，唔錯㗎啦⋯⋯仲有15分鐘免費Wifi....

原本約阿媽去食漢陽苑， 點知去到又裝修， 立即改去倫敦廣場，諗住食嗰啲韓式放題，經過新樂酒店見＄150 有buffet食，記得幾年前同老公在這裡吃了個70幾元的buffet， 雖然不是貴價野， 但味道不錯，也吃到飽， 所以去到倫敦廣場又猶豫了，又行返去新樂睇下，點知樓梯上咗去一樓即刻有人招呼我們入去，但不是上次那裡，上到去很細，卡位又是Tiffany blue（笑）， 但細佬嫌這裡細、樓底低，似茶餐廳，而那些坐位似飯堂，跟我們平時去的essence價錢相若，但各方面相差很多！我就話呢度地點方便嘛！價錢又相宜， 眼見很多一家大細， 或是一班朋友， 可以坐下傾下計， 又不用怕被餐廳趕走， 實是聚腳好地方! 況且canteen 又如何， 食野最緊要食物麻，以前公司canteen 細細都有很多好吃的如XO 醬海鮮炒烏冬， 涼瓜排骨， 涼瓜脆又啖啖甘甜， 泰式炒飯， 只是後來轉了手， 吃不回那些味道了... 就算以前新樂酒店另一層吃的70幾元的buffet，都有個涼瓜冷盤令我念念不忘! 那次我想我吃了人家大半盤!(笑)回正題， 這裡自助餐的基本海鮮翡翠螺、青口、鮮蝦等，這裡也有， 質素跟一般酒店