鳳城酒家 (Closed)

難得家放聚餐，今次姑婆選了一間老牌的酒樓。原因..只係因為得依間有得星期日訂位呢係樓下已經見到好多介紹，係一間有歷史好好味既酒樓。我地訂左枱係11點半，點知早左到，結果因為訂大枱點都要等，等到過左11點半先有位呢。而且係等位期間見有D冇訂位既人想飲茶，最後都係走左，好似D職員叫佢地唔好等，有訂位果D都有幾枱人等緊了。所以真係唔知好彩定係乜...原本姑婆都冇諗住係太子食的，想係又一城的，但間間都冇得訂位；左問右問先搵到依間。原來依間唔係有得訂位咁簡單，而係唔訂位就一定等唔到位，因為有訂位的都要等位蝦多士，係樓下已經見到，仔仔未坐底已經話要食，另外姑姐見到都話要食，結果叫完一蝶試過真係好味，即再叫多蝶。好味，真係好味，但係我又覺得佢油左少少。亦唔知係咪因為佢太油我唔係好受得，飲完茶後痾到七彩另外我地重叫左普通的點心，蝦餃，燒賣，叉燒包，馬拉糕，雞扎果D ，另外又叫左炸子雞，蛋白炒飯，炒河等；當然都有叫我最鍾意既尤魚鬚啦。大家都覺得，依間酒樓D炸野好似都整得好好味果然多香口野就多人呢。今次後，如果可以再係度聚餐都唔錯，D野全部都好岩食。