cookedDeli by city'super (Closed)

今趟食個Tiger Curry. 較少人排隊，附近又有吉座。其實只係日式咖哩店，一般炸物咖哩飯，冇乜特別。見有推介：火舞者。$90。有吉列豬扒，煎蛋，雞肉腸，沙律。。。包一杯飲品。今個午餐決定就豪下啦。落單時，店員提醒：先生，呢款都幾辣，你可以嘛？（Fire Dancer 火舞者。辣到跳舞？）我：辣冇問題，我係唔食牛遮。店員：我地咖哩汁，全部都有牛成份。原來，要用牛肉烹調咖哩汁，今日至知，又學到嘢啦。最後，改叫日式照燒汁野人腸（雞肉腸）餐。雖然有些兒失望，但都唔差。又平左。最後，多謝哂呢位店員。小小店舖，都照顧到顧客加分。