Video
Read full review
2018-08-11
1277 views
銅鑼灣渣甸街上原本有隻老虎，呢幾日，老虎迎來左佢既幸福💕⋯⋯「幸福堂」。同「老虎堂」一樣，「幸福堂」都系台灣過江龍勇闖香港，兩間鋪一牆之隔，齊齊主打大賣黑糖珍珠奶！好似火星撞地球咁擦出火花，「老虎」的人龍就屈入後巷打蛇餅，「幸福」的人龍就一字排開見不到尾，即使落緊雨都依然揚揚灑灑壯觀又有趣，行過路過就算唔幫襯的人都忍不住駐足圍觀。而我，今天原本系來探老虎，見到「老虎」的「幸福」那麼近，點都要沾下「老虎」的光，「幸福」來了⋯⋯主打系^焰遇幸福^黑糖珍珠鮮奶，當然仲有十幾種名字有趣又賣相靚仔的飲品，比如水母勇闖大海鮮，爺爺泡的茶，喝掉優綠....全部都好吸引，全部都想試，不過今天只是試業，所以只賣主打黑糖珍珠鮮奶。幸福的指南，如何正確喝到幸福滋味？Step 1:抽一隻戀愛籤詩看看戀愛的運勢。店家可能擔心大家排隊太無聊，邊等邊玩個小游戲解解悶。Step 2:來張幸福合照並打卡紀念幸福時刻。相信大家都會迫不及待影靚相。Step 3:先攪拌18下，讓珍珠變得更Q彈。點解系18下？Step 4:最後對身邊的他/她說一聲有你真幸福。哈哈，排左咁耐終於有得飲，一定好幸福。我地排左大概半個鐘，終於輪到我
銅鑼灣渣甸街上原本有隻老虎，呢幾日，老虎迎來左佢既幸福💕⋯⋯「幸福堂」。
同「老虎堂」一樣，「幸福堂」都系台灣過江龍勇闖香港，兩間鋪一牆之隔，齊齊主打大賣黑糖珍珠奶！
好似火星撞地球咁擦出火花，「老虎」的人龍就屈入後巷打蛇餅，「幸福」的人龍就一字排開見不到尾，即使落緊雨都依然揚揚灑灑壯觀又有趣，行過路過就算唔幫襯的人都忍不住駐足圍觀。
而我，今天原本系來探老虎，見到「老虎」的「幸福」那麼近，點都要沾下「老虎」的光，「幸福」來了⋯⋯
主打系^焰遇幸福^黑糖珍珠鮮奶，當然仲有十幾種名字有趣又賣相靚仔的飲品，比如水母勇闖大海鮮，爺爺泡的茶，喝掉優綠....全部都好吸引，全部都想試，不過今天只是試業，所以只賣主打黑糖珍珠鮮奶。
幸福的指南，如何正確喝到幸福滋味？
Step 1:抽一隻戀愛籤詩看看戀愛的運勢。
店家可能擔心大家排隊太無聊，邊等邊玩個小游戲解解悶。
Step 2:來張幸福合照並打卡紀念幸福時刻。
相信大家都會迫不及待影靚相。
Step 3:先攪拌18下，讓珍珠變得更Q彈。
點解系18下？
Step 4:最後對身邊的他/她說一聲有你真幸福。
哈哈，排左咁耐終於有得飲，一定好幸福。
我地排左大概半個鐘，終於輪到我們買，等的時候都抽左籤，居然抽中左籤王！有賞的喔。哈哈
估唔到店家咁認真，竟然仲整左個解籤箱，可以跟自己抽到的籤去尋返籤文。大家都好開心而好奇咁抽來玩，笑一笑，心情都好d。
人頭湧湧，終於企到最前，心情激動，影返張相打個卡，正宗古拉手炒黑糖珍珠鮮奶。
大大的招牌，仲有短片做緊宣傳，十足十台灣風格。
店員將黑糖炒到黏稠後再加入珍珠一齊炒，炒多幾下令到珍珠均勻痴住黑糖，裝入杯時將黑糖珍珠沿住杯轉一圈，再撞入鮮奶，撞出獨特迷人的幸福紋，保證左珍珠的新鮮，
陣陣黑糖香，好誘人。
登登登登，「幸福」到手，迷人的幸福紋，濃郁的黑糖香，令人愛不釋手，影左無數咁多張相之後終於捨得淺嚐，杯面有一層火烤灸燒過的黑糖，這就是傳說中的焰遇幸福。
這種特別的方法即系用火烤炙燒黑糖的方法，令黑糖變得更香濃，上層暖暖的，下層冰冰的，冲撞出的鮮奶入口更滑。
記得要攪拌喲！撞吖撞！好特別！回味無窮！
老虎的幸福，幸福，幸福....
如果你問我，下次來探「老虎」還是品「幸福」，我會答你，「老虎」同「幸福」各有各特色，各有各精彩，既然一場來到，何不探老虎又品幸福？（如果晤洗排隊就最好了）
題外話：晤知兩間店系咪同一個老細？賣鮮奶真系會發達，好過印銀子。咁個排隊法....好驚驚，好在速度快，其實等得時間可以接受啦，影下相好易過，一系買住「老虎」來排「幸福」咯！
Post
