長發麵家 (Closed)

Ricky 生(張錦祥)係豬手專家，佢話連續食豬手幾個月都唔厭，佢好推薦呢間，係佢飛佛頭三位，真係要試下。星期六兩點幾仲要排隊等位，見有半唐番仔+金髮鬼妹坐埋一台，喺度拍緊嘢介紹食品。一坐低就唔駛諗就叫碗豬手麵應援，睇落都靚仔，咬落又真係稔與實之間，虛與浮之端，雌與雄之交錯般，如果味道再濃一啲就更正。見搭枱兩個客叫淨墨魚丸同淨魚蛋，咁必然事有蹺蹊，唔食就執輸，二者選其一，就叫淨魚蛋。食落又真係鮮甜美味，軟滑可口，彷彿墮進無底深淵，不能自拔。但兩碗食哂，成$80都仲未飽，典算? 聽到老闆有熟客想買都唔畀，因為唔夠。佢仲話鍾_紅同_瀾都係長期買嘅，咁老闆對腳就唔駛要啦咁。