Video
Read full review
2022-01-05
70 views
真係好想推介呢間小店俾大家，因為老闆態度好好，做事細心，每一樣食材佢都好用心處理，即叫即整，絕對唔會交行貨。🤌🏻依家大家都會多咗嗌外賣，所以大家不妨多啲去幫襯呢間小店，因為味道都非常出色！💯〈至尊鵝肝手打牛肉漢堡〉🦢🐮🍔首先漢堡個包已經夠晒特別，小店有用上唔同顏色嘅包，令到個賣相都好吸引，老闆仲有用牛油烘熱個包，都令到佢外脆內軟。超鍾意食鵝肝嘅我，見到塊鵝肝咁厚身都非常驚喜，同樣地鵝肝都煎到外面有少少脆，鵝肝嘅油脂又少少滲透出嚟，好正！至於塊手打牛肉，食得出唔係來貨，而係真材實料嘅手打牛肉，一啲牛羶味都冇，肉質軟淋，仲非常之厚，夠晒Juice！〈1861 All Day Breakfast〉🥐🥗🥫🥔唔知係咪小店製作特別用心，連呢個全日早餐都整得好精美，滑蛋好有牛油香味，沙律菜新鮮，仲有火腿、美國腸、茄汁豆、牛角包，同埋特色薯餅。特色薯餅原來係南瓜做餡料，每一啖都係新鮮香甜嘅南瓜蓉，再用麵包糠炸起，推介！另外仲可以揀一款肉類，今次我就揀咗秘製雞髀扒，啖啖肉！🧃每一個套餐都會包一款飲品，種類好多唔單止得汽水，啱晒唔同人嘅口味👍🏻
真係好想推介呢間小店俾大家，因為老闆態度好好，做事細心，每一樣食材佢都好用心處理，即叫即整，絕對唔會交行貨。🤌🏻依家大家都會多咗嗌外賣，所以大家不妨多啲去幫襯呢間小店，因為味道都非常出色！💯
〈至尊鵝肝手打牛肉漢堡〉🦢🐮🍔
首先漢堡個包已經夠晒特別，小店有用上唔同顏色嘅包，令到個賣相都好吸引，老闆仲有用牛油烘熱個包，都令到佢外脆內軟。
超鍾意食鵝肝嘅我，見到塊鵝肝咁厚身都非常驚喜，同樣地鵝肝都煎到外面有少少脆，鵝肝嘅油脂又少少滲透出嚟，好正！
至於塊手打牛肉，食得出唔係來貨，而係真材實料嘅手打牛肉，一啲牛羶味都冇，肉質軟淋，仲非常之厚，夠晒Juice！
〈1861 All Day Breakfast〉🥐🥗🥫🥔
唔知係咪小店製作特別用心，連呢個全日早餐都整得好精美，滑蛋好有牛油香味，沙律菜新鮮，仲有火腿、美國腸、茄汁豆、牛角包，同埋特色薯餅。特色薯餅原來係南瓜做餡料，每一啖都係新鮮香甜嘅南瓜蓉，再用麵包糠炸起，推介！另外仲可以揀一款肉類，今次我就揀咗秘製雞髀扒，啖啖肉！
🧃每一個套餐都會包一款飲品，種類好多唔單止得汽水，啱晒唔同人嘅口味👍🏻
Post
