Video
Read full review
2019-01-06
933 views
打住「米芝蓮一星餐廳」嘅旗號，莆田近年分店越開越多。早兩日同友人行街經過，既然行到餓餓地，就乘機入去朝下聖。莆田荃灣店環境清雅，裝修簡潔舒適，下午茶時段人流唔算多，大概只有4－5檯客，職員可能為咗方便做嘢，唔想啲客分得太開，結果搞到大家都坐得好迫，再加上職員態度麻麻，不免令用餐過程少咗幾分閒適，平添幾分煩躁。餐具本身雖然別緻，但乾淨程度只係一般，杯上有幾撻可以抹得走嘅污漬，可見此店員工喺清潔上唔算十分上心，多少有啲倒胃口，有啲可惜。莆田嘅「下午茶·聚」有兩個價位，分別係$49(2點心+主食+甜品)同$59(2小菜+主食+甜品)，免茶錢，但需另收芥錢同加一。感覺上點心比小菜吸引，於是叫咗兩個$49set：點心：杞子白米糕 + 古法蕃薯包杞子白米糕 + 莆田糯米丸主食：興化炒米粉醬爆肉絲湯麵甜品 (無得揀)：一粒紅棗銀耳羹先講最遲上菜嘅主食，興化米粉係今餐嘅亮點(沒有之一)，米粉幼身但不粉糊，係真正嘅「白如雪，細如絲」，再配上惹味嘅配料，稱得上係味濃鮮美，惟一缺點就係唔夠熱。珠玉在前，另一主食醬爆肉絲湯麵就顯得非常遜色。興化米粉有幾令人驚艷，肉絲湯麵就有幾令人失望，賣相普通，感覺似快餐店肉
莆田荃灣店環境清雅，裝修簡潔舒適，下午茶時段人流唔算多，大概只有4－5檯客，職員可能為咗方便做嘢，唔想啲客分得太開，結果搞到大家都坐得好迫，再加上職員態度麻麻，不免令用餐過程少咗幾分閒適，平添幾分煩躁。餐具本身雖然別緻，但乾淨程度只係一般，杯上有幾撻可以抹得走嘅污漬，可見此店員工喺清潔上唔算十分上心，多少有啲倒胃口，有啲可惜。
莆田嘅「下午茶·聚」有兩個價位，分別係$49(2點心+主食+甜品)同$59(2小菜+主食+甜品)，免茶錢，但需另收芥錢同加一。
感覺上點心比小菜吸引，於是叫咗兩個$49set：
點心：
杞子白米糕 + 古法蕃薯包
杞子白米糕 + 莆田糯米丸
主食：
興化炒米粉
醬爆肉絲湯麵
甜品 (無得揀)：
一粒紅棗銀耳羹
先講最遲上菜嘅主食，興化米粉係今餐嘅亮點(沒有之一)，米粉幼身但不粉糊，係真正嘅「白如雪，細如絲」，再配上惹味嘅配料，稱得上係味濃鮮美，惟一缺點就係唔夠熱。
興化米粉
33 views
0 likes
0 comments
珠玉在前，另一主食醬爆肉絲湯麵就顯得非常遜色。興化米粉有幾令人驚艷，肉絲湯麵就有幾令人失望，賣相普通，感覺似快餐店肉絲米再多送一條菜。只有肉絲，沒有醬爆，口味偏淡嘅我亦覺得唔夠味，湯麵唔夠熱令口感更差，以致食完成餐飯我仲後悔緊「早知唔叫醬爆肉絲湯麵」。
醬爆肉絲湯麵
55 views
0 likes
0 comments
點心同甜品以小碟形式盛載，放喺一個三格小木盒上菜，相當有心思。
35 views
0 likes
0 comments
上：古法蕃薯包、杞子白米糕、紅棗銀耳羹
下：莆田糯米丸、杞子白米糕、紅棗銀耳羹
本來係想要份酥炸莆田扁肉，不過職員話冇惟有叫兩碟杞子白米糕，事實證明冇揀錯。本來擔心會好似一般白糖糕甜中帶酸，但實際上莆田嘅杞子白米糕完全冇酸味，清甜得嚟口感亦相當軟韌。
相比之蕃薯包同糯米丸就比較一般：糯米丸其實只係擂沙湯丸，入面有芝麻餡， 但係唔會太甜；蕃薯包冇咩蕃薯味，口感偏實，冇咩特別。
紅棗銀耳羹(涷)甜度適中，放喺最後食清清口腔內嘅油膩感就啱啱好。
同場加映莆田扁肉湯($19)，係喺福建住過一段時間嘅友人點名要求叫嘅。莆田扁肉湯係「莆田十最」之一，友人嘅評價只係「尚可」同「過酸」，自己食完都覺得偏酸，食唔出湯頭嘅原味，亦掩蓋左扁肉嘅味道。細細碗，同樣唔夠熱，令人惋惜。唔難食，但唔會覺得係一間餐廳招牌菜之一應有嘅水準。
莆田扁肉湯
30 views
0 likes
0 comments
以價錢嚟睇，莆田下午茶算係不過不失，口感輕盈唔算油膩，但無論係服務定食物質素，都好難同集團本身嘅口碑同殊榮扯上關係。會有下次，都只係睇在佢價錢尚算相宜同環境清雅嘅份上，而唔係佢「米芝蓮一星」嘅美譽。
Post
