Video
Read full review
2017-09-26
924 views
友人最近轉咗去深水埗上班，相約我到她公司附近吃飯一聚，暢談近況。印象中，深水埗大多數以街坊小店為主，地方細小，不大方便慢慢坐，慢慢傾。原來友人心思細密，早有安排，選了西九龍中心的婚宴專門店「煌府」，說那裡不但布置一流，而且地方夠大，地點方便就腳，啱曬我這個路痴。翻查過網上資料，原來西九現時只有兩間中式酒樓，而位於 9 樓的「煌府」是今年一月才進駐。踏進店，地方偌大，樓底特高，而且裝潢極具睇頭，據說全場可筵開 40 席，配上中央的大禮堂和天花懸掛著的多盞閃耀璀璨水晶吊燈，盡顯非凡氣派，非常適合用作婚宴場地。入座後拿起餐牌細閱，菜式選項甚豐，有醒胃前菜、養生湯羹、主食、滋味共享、家嚐小菜、精品推介、海鮮薈萃、滋潤甜品等。而另外兩張菜牌就有燒味天皇、雞年孖寶、合時田園蔬、宮廷雞煲翅、燉湯、海鮮自選孖寶及四款晚飯優惠，不過就只可以 4 選 1。至於茶錢方面，晚市茗茶每位 $12、餐前小食每碟 $12，而絲苗白飯就 $12/碗。既然友人在區內返工，點講都算是個地膽，所以選菜任務就一於交由友人發辦。先來一碟至尊潮蓮燒鵝 ($128/例)， 燒鵝上桌後，一看，嘩！竟然俾咗鵝髀，正。友人先挑了件鵝肉品
翻查過網上資料，原來西九現時只有兩間中式酒樓，而位於 9 樓的「煌府」是今年一月才進駐。踏進店，地方偌大，樓底特高，而且裝潢極具睇頭，據說全場可筵開 40 席，配上中央的大禮堂和天花懸掛著的多盞閃耀璀璨水晶吊燈，盡顯非凡氣派，非常適合用作婚宴場地。
入座後拿起餐牌細閱，菜式選項甚豐，有醒胃前菜、養生湯羹、主食、滋味共享、家嚐小菜、精品推介、海鮮薈萃、滋潤甜品等。而另外兩張菜牌就有燒味天皇、雞年孖寶、合時田園蔬、宮廷雞煲翅、燉湯、海鮮自選孖寶及四款晚飯優惠，不過就只可以 4 選 1。至於茶錢方面，晚市茗茶每位 $12、餐前小食每碟 $12，而絲苗白飯就 $12/碗。
既然友人在區內返工，點講都算是個地膽，所以選菜任務就一於交由友人發辦。先來一碟至尊潮蓮燒鵝 ($128/例)， 燒鵝上桌後，一看，嘩！竟然俾咗鵝髀，正。友人先挑了件鵝肉品嘗，吃後大讚皮脆肉嫩，而且皮下亦無多餘脂肪，絕不怕吃到一口油，引得我亦立即挾起鵝髀一試。果然唔錯，脂肪少，咬落帶脆，入口甘香，而且鵝肉醃味適中，令人想多吃幾件。
接著是一味脆皮咕嚕蝦球 ($98)，蝦球非常巨形，比乒乓波還要大粒，而且顆顆色澤金黃，賣相吸引。挾起咬開外層，炸漿既均勻又夠薄，咬下卜卜脆，而入面嘅蝦肉，亦夠曬彈牙鮮美，配上洋蔥和爽口的青紅椒，入口酸酸甜甜，非常惹味，比咕嚕肉更好吃，既開胃又下飯，不過就一定要趁熱食。
壓尾的清蒸生猛沙巴龍躉仔 (原條 $188、優惠價 $68/條) 非常大條，勁抵食，而且廚師在蒸煮火侯方面，處理得恰到好處。魚肉雪白，入口柔嫩鮮美，質地軟彈腍滑，魚味不俗，加上魚皮膠質極重，啱曬愛吃魚的我倆。很多謝友人的悉心安排，這頓飯吃得很開心，無論食物、環境和服務都很有水準，而且價錢不貴，令人吃得稱心滿意！
Post
