Thai Deer Factory (The Wave)

Open Now

Now Closed

朋友介紹呢間工廈特色露營主題餐廳食飯，裏面環境唔算大，一入到餐廳，感覺就好似去咗露營。可能臨近聖誕，餐廳佈置得好有聖誕氣氛，加上柔和嘅燈光，感覺環境好舒服。泰式生蝦：鮮甜，加埋蒜片及酸辣青汁，更好味！海南雞：肉質唔滑，比較韌，冇乜味道！串燒：（雞、牛、豬）雖然外層燒得比較燶，但內裏肉質嫩及有肉汁。脆脆黃金蝦餅：外脆內軟，但個黑松露醬冇乜黑松露味道！泰式生菜捲拼盤（豬腿、蠔、豬肉碎、米粉）好有特色嘅生菜包，出面食嗰啲只得生菜同肉碎，呢個配搭食落口感好豐富。加埋兩種特製醬料一齊食，口感更惹味！烤羊架：烤得唔香，肉質嫩，冇羊羶味，味道一般。