韓食 (Closed)

聖誕開party幾乎係每年既指定活動。由朝玩到晚，走既時候都好夜。唔知係咪玩得太盡，竟然又肚餓，為左今晚可以有覺好訓，就睇下附近有咩野食。朋友家住太子，即使晚上都仲有好多選擇。不過自己又唔想食太多，於是揀左呢間。鋪頭細細，店外有幾張枱，好街坊食店既感覺。餐牌好多韓式食物，炸雞，紫菜包飯，韓式煎餅，最重要係價錢夠親民，完全唔貴。蜂蜜芥末炸雞 $23細份有五件，完全冇骨，每件炸雞都幾大粒。蜂蜜芥末既味道好香，未食已經比個味吸引。入口味道突出，冇辣既感覺，而且同炸雞好夾，炸雞又夠脆，有驚喜。宮廷紫菜包飯 $25份量都幾多，餸又多，都算大件夾抵食。比較鐘意佢個醬，芥末醬汁，微微既辣令紫菜包飯食起嚟感覺更好。估唔到諗住hea食宵夜竟然遇到好野。玩左成日又食左餐好宵夜，今晚應該好好訓。