炑八韓烤親子餐廳

Open Now

Now Closed

聖誕朋友要搵個地方聚下，食餐飯，相信好多選擇。不過如果有埋小朋友又唔同講法。最好當然係小朋友有小朋友玩，大人有大人食嘢傾計。呢度都係一個同時滿足大人同小朋友嘅地方。有聖誕裝飾，又有韓屋設計，好有特色。另一邊有一大個小朋友既玩樂空間，滑梯、波波池同各種玩具當然唔少得。大人燒肉，小朋友就可以去放電。聖誕有晒期間限定套餐，無論大人定小朋友都有得揀。聖誕老人便當 $168兒童餐都有好幾款，而聖誕老人便當絕對睇得又食得。炸蝦、士多啤梨、生菜、蛋捲、芝士、西蘭花、火腿、蘿蔔、粟米筍，仲有菠菜汁及紅菜頭汁飯，非常豐富的食物，小朋友食得開心又飽。炑八厚切五花肉 $138外裙肉 $158前菜除咗沙律都係任食。食韓燒，五花肉應該走唔甩，香口有層次，配以不同醬汁或包住生菜食。外裙肉有豐富油花又多汁，五花肉以外既好選擇。聖誕花環雪糕窩夫 $118甜品窩夫勁大件，白雪雪好似落雪一樣。歡樂聖誕樹士多啤梨鮮奶 $52聖誕老人朱古力特飲 $52兩款特飲都好有聖誕特色，相信小朋友見到都會搶住話要飲。