Lúa (Closed)

聖誕節當然想食火雞，但太大隻，根本食唔晒。見到呢間推出咗香茅檸檬葉焗越南農場少女雞，我就好想試。製作需時，要30分鐘到。焗完後，師傅會再撒上秘製香料，令到隻雞更香更有特別。佢仲會即時幫我地剪開隻雞，令我地食得方便啲！頓時發現原來隻係內面、底部都有香茅，難怪可以咁入味！雞肉非常嫩，就算雞胸肉都不會好鞋！佢仲有沙律、醬汁（似青檸汁）提供，一齊食又有另一種味道！等待焗雞的時候，點了街頭小食拼盤小嚼一翻。都幾豐富，有豬肉春卷、柑橘汁雞翼、香茅牛肉串、甘蔗蝦串、迷你春卷，全部都係餐廳自家製作。其中最特別係香茅牛肉串，改用香茅代替竹籤，好有創意！青檸桔仔水果綠我自己比較喜歡喝水果茶，所以揀了呢杯清新refreshing嘅特飲。聖誕節仲推出不少festive collection，大家都可以一試法式布雷烏龍奶茶，我見好多人都有點。