聘珍樓 (Closed)

今日諗住去美食博覽，去之前就過左黎呢度飲茶，個時大概2點幾，剛好係佢地既下午茶時段，佢話原料佢地下午茶去到4:30架喎。一去到當然即刻有位，我地2個人佢仲安排左好舒服既卡位俾我地，論環境呢度真係算唔錯，可以俾你靜靜地兩個人飲下茶傾下計。佢下午茶有D係逐件逐件計，有D就係成份點心計，最後我地都唔係叫左好多野，因為幾肚餓，所以叫左個炒河，佢個名好長，總之就係類似干炒牛河既物體啦。個炒河幾好，唔算勁濃味，有D人可能會覺得佢淡口左少少，個份量都唔係好大，2個人食剛剛好，但係如果D牛肉再淋D同入味D就好啦。之後仲叫左個叉燒腸，呢個都幾好，佢個腸粉好滑，而且入味有好多叉燒，但我就覺得個皮厚左少少啦。另外仲叫左2個甜點，一個係芝麻卷，一個係鴛鴦糕。我覺得2個都幾好食，鴛鴦糕好煙UN架，甜甜地，而芝麻卷呢就真係好香芝麻味，一層層好有口感，所以2個都幾好!最唔好就係有位阿姐成日企係隔離睇住你D野食完未，一食完就即刻收，真係好煩，而且佢企係我隔離令我食得好唔自然，真係好想叫佢走開呀!原來HSBC咭免茶芥免加一，咁又幾好喎，不過佢標榜野食完全無味精唔知真定假呢? 但D食物都唔差架，偶然想食清D，環境靜靜地呢