茶聊

Open Now

Now Closed

同班閨蜜👭一排冇見，難得聚會梗係搵間坐得耐啲嘅餐廳🍴啦！好彩有訂位，七點半🕢已經差唔多坐滿晒，座位都幾舒服下，應該可以慢慢傾，點完餐大概十零分鐘就上齊晒。炸黃金火腿芝士🧀流心波：可能怕我地辣親條👅脷，所以上菜時唔太熱，芝士🧀亦都無流心嘅效果，食落口感有啲油膩。蒲燒饅魚玉子🍳包：饅魚都算幾大塊下，玉子都好厚實，加埋麵包🍞一口真係食唔到，要一層層食，味道唔錯喔！大蝦龍蝦汁意粉：蝦🦐有好大陣雪❄️味，意粉🍝比較硬身，汁亦比較少，認真麻麻地。鮮蘆筍黑松露意粉：意粉🍝都係好硬，汁比較稀，但都食到有忌廉味，尚算合格。飲品🍹整體比一般飲品店甜，但配埋主食都可以接受，整體嚟講都合格。