圃鍋 (Closed)

有一段時間冇打過邊爐，今次就同媽媽撐枱腳去到灣仔嘅圃鍋，因為有幾個朋友食過都話唔錯餐廳環境都唔錯，裝修擺設都好用心安排好座位之後，店員就會送上調味盤，醬料都好齊全圃鍋除咗可以打邊爐之外，仲有日式食品供應，仲有其他小食所以我哋叫咗一個馬糞海膽刺身丼，除咗主角海膽之外，仲有三文魚，吞拿魚同油甘魚，刺身都好新鮮，壽司飯味道都唔錯跟住就開始打邊爐，我哋叫咗一個新推出嘅湯底，就係姬松茸響螺頭湯，個湯好足料，有半隻雞，瘦肉同埋雞腳，首先就梗係要試吓啖湯先，個湯味道好清香，唔會好油膩，我同媽咪每人飲咗兩至三碗先開始打邊爐，食埋個鍋d配料都已經飽咗一半打邊爐就梗係要有牛肉啦，所以我哋叫咗個特選和牛拼盤，當中仲包括左首設本地牛肉，大家睇下呢塊和牛係咪好吸引呢，拼盤裏面每一款牛都各有特色同唔同嘅味道，個人都幾推介呢個拼盤另外仲叫左豬皮，吸收哂精既精華食就最正！仲有4色手打丸，分別有蝦丸，墨魚丸，鯪魚球同牛丸，款款都好彈牙！最後餐廳仲會奉送甜品，食落似芋頭西米糕，甜度岩岩好圃鍋既環境的確唔錯，好適合一大班朋友gathering, 如果怕嘈親人既仲有VIP房呀