泉章居 (Closed)

今晚約咗幾個認識咗剛剛10年嘅夜校同學食飯，順便慶祝一下，佢地有2個又就快做媽媽呢，為了方便佢地，揀咗在旺角食飯，呢間泉章居我之前未嚟過。5個人叫咗個4人套餐~ 粟米魚肚羹、薑蔥霸王雞、咕嚕肉、琵琶豆腐及炒莧菜。粟米魚肚羹我最鍾意，夠晒熱，好好味，薑蔥霸王雞~一向都係泉章居嘅招牌餸，冇得輸！我少吃雞都食咗幾件，味道好夠，好味的，咕嚕肉~整得都OK，不過就凍得好快，蒜蓉炒莧菜就一般啦，琵琶豆腐都OK，個汁好味。今晚我地坐房，吾會好嘈，三五知己聚聚傾計啱晒，呢度嘅服務都OK，沖水收嘢都有跟足。