Hans Bar and Restaurant

Open Now

Now Closed

今日難得雅興，到尖沙咀酒吧區飲下酒傾下計。發現一間店面清新又有特色既店舖就吸引左入去入到去空間大，又有唔同種類既座位。吧枱，矮櫈定普通餐桌都有得選擇。想朋友聚會暢談定傾密計都可以。始終係一間吧，酒類選擇多固然唔洗講。食物種類亦都好豐富，岩哂中意又食又飲既你地。我地叫左兩杯野飲，蛋撻同埋紅豆。首先蛋撻我選擇既原因係比個名吸引，究竟係咪真係有蛋撻味呢。一飲落去，原來野飲都做到蛋撻既味道，好香好好入口。而另一杯紅豆，主要既有紅豆既味，抹茶既香味同埋酒既味道。層次分明，三者夾埋入口都好好飲。麻婆豆腐比佢驚喜到，同炸腐竹加麻婆醬，係瑋道好好既下酒菜避風頭薯條簡單幾隻字足以形容佢幾正。色香味俱全。單骨雞翼拼一口芝士岩哂唔中意食普通雞翼要lur骨既人而設。簡單入口加一啖酒，昇華到叻一層次。意大利雲吞，醬汁香濃，雲吞好有咬口。配白酒或者cocktail一流。