壹蒸鍋

老朋友生日，約埋成班人一齊去兆萬的壹蒸鍋食放題，因為放題有齊蒸海鮮、火鍋和刺身，滿足我們各人的口胃。入座後送上小食，雞腳夠林又入味。刺身新鮮，三文魚、甜蝦、希靈魚、馬刀貝，有水準，肥美可口。大大盆海鮮每人一份，鮑魚、蠔、螺、大扇貝、大蜆、蟶子、魚柳。放上蒜蓉和粉絲，另一盆放了龍蝦並加上蒜蓉，二盆海鮮一齊上爐蒸，期待中美食，數分鐘後大家都急不及待開始了，海鮮鮮甜，粉絲吸收左海鮮的鮮味，好味又爽口。之後又可任叫點餐紙上的蒸品，瑤柱蒸水蛋、豉汁鮮魷蒸豆腐、豉汁蒸黃立䱽、剁椒蒸魚頭雲、小籠包是我們特別喜歡的，因為比較惹味！之後食火鍋，湯底要沙爹拼骨膠豚骨，濃郁惹味，多款火鍋配料都新鮮，不過之前已食到差不多飽了，食不到太多，甜品還在後面呢！任飲任食真的好抵！