聚點坊點心專門店 (Moved) New Location

今日同朋友一齊去上環食嘢，朋友話想食點心，所以帶咗佢去上環一間出名嘅點心都食嘢。 雖然係夜晚九點鐘，但成間舖都係擠滿咗人，我哋兩個人入到去都要同人搭枱，同成間鋪頭入面超過一半都係外國人。 我哋睇枱上面啲圖，同埋嗰張點心紙上點左5樣野，分別係鳳爪排骨飯，鹹水角，叉燒包，流沙奶皇包同埋蝦餃。 雖然我哋九點鐘食， 但啲反仍然好乾爽應該係啱啱蒸出黎，同啲排骨熟得啱啱好唔會黐住啲骨，啲肉新鮮彈牙嘅。 流沙奶皇包熱辣辣，搣開過包，兩面啲流沙流曬出嚟，啲流沙重蛋黃味一啲都唔會漏。蝦餃層皮好薄，入面好多蝦肉，全部都爽脆彈牙。 叉燒包個酥皮好脆，入面係啲肥叉燒， 啲密汁同個包好夾。 最後仲有鹹水角，啱啱新鮮炸出來，層皮好鬆脆。