Video
Read full review
2013-10-13
32 views
今次系小妹第1次寫嘅食評,請大家多多支持!!自從畢業之後,大家都邁向吾同嘅道路,各有各忙,連見面嘅時間都冇,由以前日日見,到宜家一星期都未必見到一次...所以難得約到,緊系食啲特別野!!咁岩大家都想食韓國野,而我最近又留意到位於銅鑼灣時代廣場新開嘅school food好似幾特別..咁就一於去試下啦!!一行3人7點50去到門口,已經見到好多人等緊位...我地張飛系46號..問佢叫到第幾張,佢竟然話第1張都未叫,下..到宜家都吾太了解佢叫號碼嘅程序..等左接近1小時,終於有位...一坐底緊系睇menu先,我認為菜式選擇吾算好多,不過有好多新派菜式,所以都好難作出決定,實在太多款想試最後叫左5樣食物!分別系2款飯卷,1款拌飯,1款炒年糕同1份加$25嘅炸雞塊. -2款飯卷分別系烏卒卒同反蛋卷,1份有14細件,前者較特別,系墨汁飯包住墨魚,墨魚食落有小小甜味,吾錯架..而後者較普通,只系蛋皮+飯包住醃蘿蔔+火腿+菜,旁邊伴有少少醃菜,個人認為若冇左醃菜會失色不少..-吾記得叫咩名嘅拌飯,飯量頗少,餸嘅份量比飯多,上菜時會附上少量嘅椰菜同紫蘇,等食客可以包住拌飯一齊食,好有韓國風味-卡邦尼廚師
自從畢業之後,大家都邁向吾同嘅道路,各有各忙,連見面嘅時間都冇,由以前日日見,到宜家一星期都未必見到一次...所以難得約到,緊系食啲特別野!!咁岩大家都想食韓國野,而我最近又留意到位於銅鑼灣時代廣場新開嘅school food好似幾特別..咁就一於去試下啦!!
一行3人7點50去到門口,已經見到好多人等緊位...我地張飛系46號..問佢叫到第幾張,佢竟然話第1張都未叫,下..到宜家都吾太了解佢叫號碼嘅程序..
等左接近1小時,終於有位...一坐底緊系睇menu先,我認為菜式選擇吾算好多,不過有好多新派菜式,所以都好難作出決定,實在太多款想試最後叫左5樣食物!分別系2款飯卷,1款拌飯,1款炒年糕同1份加$25嘅炸雞塊.
-2款飯卷分別系烏卒卒同反蛋卷,1份有14細件,前者較特別,系墨汁飯包住墨魚,墨魚食落有小小甜味,吾錯架..而後者較普通,只系蛋皮+飯包住醃蘿蔔+火腿+菜,旁邊伴有少少醃菜,個人認為若冇左醃菜會失色不少..
-吾記得叫咩名嘅拌飯,飯量頗少,餸嘅份量比飯多,上菜時會附上少量嘅椰菜同紫蘇,等食客可以包住拌飯一齊食,好有韓國風味
-卡邦尼廚師年糕,呢樣系我最期待!!!因為廚師竟然用西式嘅醬汁配上韓式年糕,雖然起腦海幻想過佢地嘅味道,但真系冇諗過會系咁夾咁好食!!認真值得一試!!
-吾記得咩野溝菠蘿嘅特飲,好飲但冇咩特別,因為見差不多枱枱都有叫,顏色又靚,所以先叫
-加$25嘅炸雞塊,有6塊,新鮮炸起,size吾算細,熱辣辣幾好食..如果想食炸雞塊又吾想叫1大碟,叫呢個就perfect^^..因為我地都系咁諗!
*整體黎講school food食物同環境質素都吾錯,可以一試..但若問我會吾會再黎,我會答你未必,因為要留番啲機會去試其他韓式餐廳
Post
