琥酌 (Moved) New Location

地點方便亦旺中帶靜，餐廳環境以簡約嘅日式居酒屋設計，座位不多，座位之間算寬闊，等候期間隱約傳出陣陣香噴噴嘅燒烤味道，令人食指大動。前菜沙律非常新鮮，配上芝麻醬好開胃，海蜇爽口。～博多明太子玉子燒 ～雞蛋控嘅朋友必然會點選 「玉子燒」平實蛋液配上百搭明太子，不會過咸反而鮮味，非當適合佐酒。～燒舞茸茶壺海鮮湯～以一個小茶壺盛載湯品，感覺保溫又暖胃，配料舞茸、大蝦、蜆、魚片同元貝，令人驚喜嘅係一個小小嘅壼可以裝到咁多海鮮！首先我地試無加入青檸-原材料嘅味道已經出眾，之後再試加青檸-鮮味即時有提升，而且舞茸味道清幽令湯清而不俗 。～頂級安格斯牛吉列～外層係吉列皮，內層包住大約4-5成熟嘅安格斯牛，油脂分佈平均及帶少許嘅筋令到感覺更有咬口，放上熱石爐板每邊燒10-15秒，生熟度可以自己控制，牛嘅肉質柔軟不會韌，跟隨吉列牛嘅醬汁有三款，胡椒、芥末和岩鹽，個人比較喜歡岩鹽因可帶出牛嘅鮮味，呢款牛之前已經聽聞好味，果然聞名不如見面。～鰻魚三品茶漬飯～最開心係一個飯有三款食法，首先單食，醬油及飯口感亦剛好，配上佐料、蔥花、山葵、漬物當二食，最後加上清高湯當茶漬飯為第三食。鰻魚份量多，入口肥美甘香，鰻魚嘅