Video
Read full review
2024-06-12
204 views
店舖由灣仔遷移到荃灣，對於我這個九龍區返工的新界友，簡直係一件嘗心樂的事~又一個Happy Friday收工日子，朋友原本相約於長沙灣區晚膳，但又問我有咩想食，我突然心血來潮，成日睇ig，好想好想試佢嘅甜品，前排亦見有人食咗個炸厚抹茶多士就想翻晒間舖啲枱，仲話以後唔幫襯，唔洗一竹干打一船人嘅，作為一個打滾咁多年嘅烘焙師嘅我，咁就不如落荃灣實際咁試吓這小店啦~~基於我對佢甜品好有興趣，所以正餐由我朋友挑選，叫咗個一Set為3款熱菜+1款冷菜~一盆上枱細細碟，好精緻，好鐘意這種格局~~安格斯牛櫛瓜卷配自製洋蔥蘋果醬~牛卷瓜，無咁油膩，加上個自製醬，甜得嚟好清香又唔會那喉。日式醬燒茄子~擺到明係呃我!!明明就係炸(應該係)，又辣咀咀又鬆脆。(唔準捉我字蝨！！)鹿兒島吉列黑豚肉餅~唔多講啦，不嬲炸物對我嚟講，無得輸！南瓜沙律配蘋果青瓜堅果~這配搭味道清甜無咁單調。黑松露大啡菇滑旦三文治~黑松露邊有得輸㗎？？大啡菇又係我哋至愛。百香果蝶豆花梳打~酸甜口味+美麗的紫色。朱古力焦糖忌廉特飲~嗱嗱嗱，咪話我咩都讚，這杯飲品真心要講吓.....朋友係一個朱古力怪嚟，首先杯飲品無咗個忌廉溝落，其實會令到味
又一個Happy Friday收工日子，朋友原本相約於長沙灣區晚膳，但又問我有咩想食，我突然心血來潮，成日睇ig，好想好想試佢嘅甜品，前排亦見有人食咗個炸厚抹茶多士就想翻晒間舖啲枱，仲話以後唔幫襯，唔洗一竹干打一船人嘅，作為一個打滾咁多年嘅烘焙師嘅我，咁就不如落荃灣實際咁試吓這小店啦~~
基於我對佢甜品好有興趣，所以正餐由我朋友挑選，叫咗個一Set為3款熱菜+1款冷菜~
一盆上枱細細碟，好精緻，好鐘意這種格局~~
安格斯牛櫛瓜卷配自製洋蔥蘋果醬~
牛卷瓜，無咁油膩，加上個自製醬，甜得嚟好清香又唔會那喉。
日式醬燒茄子~
擺到明係呃我!!明明就係炸(應該係)，又辣咀咀又鬆脆。(唔準捉我字蝨！！)
鹿兒島吉列黑豚肉餅~
唔多講啦，不嬲炸物對我嚟講，無得輸！
南瓜沙律配蘋果青瓜堅果~
這配搭味道清甜無咁單調。
黑松露大啡菇滑旦三文治~
黑松露邊有得輸㗎？？大啡菇又係我哋至愛。
百香果蝶豆花梳打~
酸甜口味+美麗的紫色。
朱古力焦糖忌廉特飲~
嗱嗱嗱，咪話我咩都讚，這杯飲品真心要講吓.....朋友係一個朱古力怪嚟，首先杯飲品無咗個忌廉溝落，其實會令到味道有所差池，朱古力味濃得嚟唔甜又唔覺有焦糖味，建議+番多少少淡奶/鮮奶同甜，中和番個味道。
酥皮調色板 : 朱古力醬香蕉全份~
酥皮上精緻的貓咪頭(店內應該有人係貓奴！)，加上內有焗香口的腰果碎，花生碎，杏仁碎，南瓜籽碎，(可能仲有其他Nuts)，配搭香甜吉士醬，朱古力醬同香蕉片，豐富滿足美味可口，相比舊年9月銅鑼灣Hit起的千層酥貴夾唔飽，貓咪頭簡贏得整個身位！！
抹茶紅豆蕨餅配自家麻糬~
嗱~本人對於茶類，多數鐘意飲而好少會食，朋友話要食，無理由去推搪嘛......唔熱唔冷的麻糬軟滑得有點過分，抹茶醬同抹茶蕨餅的抹茶味對於我嚟講係好濃味，但朋友又超鐘意嘛~
其實好想試個炸厚多士，但唔見有單叫，只有一Set餐上，所以呢，唯有下一次再去品嚐~~
酥皮調色板
12 views
0 likes
0 comments
Post
