燒烤堂

Open Now

Now Closed

成日聽同事話好味，搞到我都好想去食，happy Friday 三人成團出發，今次去大家都就腳嘅荃灣新店。先嚟成隻風箏咁嘅雞皮，夠簿脆、椒鹽味道又香口，平時唔食雞皮嘅我都勁推。麻辣豬大腸唔夠脆，不過味道好味。雞肝試一次就夠，略嫌唔夠乾身。汁燒釀冬菇好juicy，都唔錯。鹽燒阿波尾七里香(雞Pat)，切開後至燒，溢出油脂，唔羶，可以試吓。香辣雞腿筋真夠辣，好惹味。以生果做中心嘅豚肉卷，甜甜生果可以解肉膩，兩者配合得好好。菜圃豆皮味道無特別，無下次。豚肉節瓜波板糖果然係得意之作，醮黑松露蛋黃汁，好好味。蒜蓉茄子加咗菜圃令口感有層次，加倍惹味。味淋魚干熱辣辣，同蛋黃醬好夾。啤酒仲要買一送一，可以暢飲暢食。