聰。C Dessert

Open Now

Now Closed

大隻仔今次覓食嘅店舖就係💥 聰。C Dessert 💥大隻仔今次介紹一間強勢回歸甜品店，「聰。C Dessert」 ，多年前「聰嫂甜品」係香港大熱甜品店之一，每晚都大排長龍，之後賣盤俾大陸飲食集團，因為經營不善，最終全線停業並清盤。「聰嫂甜品」以真材實料，少化學味道，吸引左大批食客，例如招牌「龍眼椰果冰」就用上60粒龍眼肉雪成冰，加入忌廉再打成冰，龍眼味道香濃。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 榴槤水晶珠 $48榴槤控必食，榴槤香味漂晒出嚟，用上新鮮榴槤肉加入鮮忌廉雪凍製成幼滑榴槤雪糕，面層再加上一大件新鮮榴槤果肉，水晶珠珠做裝飾，啖啖榴槤肉，非常滿足，榴槤雪糕味道香濃，而且非常滑，好好食。🔥 麻糬紅豆抹茶雪糕窩夫 $44新推甜品，好靚，打卡一流，窩夫即叫即整，外脆內軟，加入雪糕一齊食好夾，抹茶雪糕香濃少少苦澀，配上北海道紅豆，甜甜地，幾好食，麻糬細細粒，好煙靭。