聰嫂私房甜品 (Closed)

由於奧運期間 政府所有既運動設施都免費 所以今晚同事便相約左我放工一齊去打羽毛波 打完波都成十一點 同事S同我講話有一間糖水鋪你一定要試 唔試你會後悔一世... 既然同事S咁樣講 明知打完波食甜野會肥 我都決定以身犯險 行到過去 嘩 勁多人排隊 於是我地決定外賣行入去商場食 分別叫左 榴槤水晶珠 龍眼椰果冰 士多啤梨椰果西米露. 同一個 唔知咩咩哈蜜瓜豆腐花榴槤水晶珠 - 一個字正 食落口冰涼 淡淡都好似食緊榴槤肉咁 其實食落好似食緊榴槤雪糕咁 龍眼椰果冰 - 呢個又係好正 食落口夠清 淡淡都係龍眼肉 又有椰果肉 士多啤梨椰果西米露 - 呢個其實都幾好 不過如果相比起 榴槤水晶珠同龍眼椰果冰就失色 左小小啦 同埋都比較甜 所以我諗呢個甜品會o岩女仔多d 哈蜜瓜豆腐花 - 呢個我無試