十二味 (京瑞廣場2期)

Open Now

Now Closed

職員態度差，平時都有去食既，都算係熟客仔咁，前幾日係food panda 度見到有新出既菜式都幾吸引今晚就約埋幾個朋友去試吓，一去度啲職員已經無乜禮貌咁安排你坐邊度，之後比張餐牌我地自己點餐，見到有我想食既果兩個新菜式，然後我用二維碼都睇唔到有果啲新菜式啦，問個職員可唔可以用手寫幫我落單，之後勁無禮貌叫我自己電子落單，咁我話電子餐牌見唔到有個啲餸叫，佢話落唔到姐係無果個餸囉，我話之前foodpanda 都叫到架喎，佢答我：「foodpanda點叫到呀，都無呢個餸點叫呀。」好似覺得我講大話咁，咁無呢個餸點解餐牌又有印出黎呢！呢樣都算啦。我朋友抱住個bb訓咁覺，bb車唔比入都正常，但佢安排我朋友坐背面既圓櫈，叫啲職員換張有得挨住背脊既櫈都唔得！啲野食水準又差咗好多，份量又小咗，係啲配菜多囉，但其實主菜得果幾舊仔咁就150幾蚊一碟。所以下次真係唔幫襯啦，好似貼錢買難受咁😮‍💨