Video
Read full review
2022-09-25
592 views
職員服務態度勁差！係職員面前佢都可以扮睇你唔到，問佢嘢態度好似覺得你好煩 好耐冇食到一肚氣！由於入去食前有問清楚小食優惠係咪只限外賣，問清楚堂食有冇，職員勁西咁答有。咁咪入去食，費事煩。行到入去同職員講幾位，佢好似視而不見咁，最後竟然係由食緊飯嘅職員安排位置。坐落想點餐，嗌職員冇人應，過咗陣終於搵到行過嘅職員，佢勁快咁話係QR code度落單。見到隔籬枱都想落單，問個職員點落，對方又係好快咁話喺QR code度落單，根本都講唔清楚，隔籬枱客完全聽唔清又要再搵過職員過嚟，然後個職員先發現冇俾個QR code對方。係點餐個陣發現冇小食優惠，職員話你叫咗系統會自動同你扣，咁照嗌啦，嗌完發現系統冇扣到，呢個時候野食上齊另一位職員先話要叫主食先會有優惠⋯⋯ 咁我講返問咗兩位職員都冇人同我講過優惠係要嗌正餐先有，好彩其中一位好啲嘅職員幫我改返張單個價錢。去到埋單其中一個職員語氣勁似質問我張單點解係呢個價錢，咁我解釋返件事，佢語帶質問係邊個職員同你咁講，好彩當初我入嚟有留意到職員名牌個名，仲有唔係每位職員都有名牌，如果冇留意真係百口莫辯，同埋你同事都改咗張單啦仲要質問我，而家係店方冇解釋清楚，反過嚟
由於入去食前有問清楚小食優惠係咪只限外賣，問清楚堂食有冇，職員勁西咁答有。咁咪入去食，費事煩。行到入去同職員講幾位，佢好似視而不見咁，最後竟然係由食緊飯嘅職員安排位置。
坐落想點餐，嗌職員冇人應，過咗陣終於搵到行過嘅職員，佢勁快咁話係QR code度落單。見到隔籬枱都想落單，問個職員點落，對方又係好快咁話喺QR code度落單，根本都講唔清楚，隔籬枱客完全聽唔清又要再搵過職員過嚟，然後個職員先發現冇俾個QR code對方。
係點餐個陣發現冇小食優惠，職員話你叫咗系統會自動同你扣，咁照嗌啦，嗌完發現系統冇扣到，呢個時候野食上齊另一位職員先話要叫主食先會有優惠⋯⋯ 咁我講返問咗兩位職員都冇人同我講過優惠係要嗌正餐先有，好彩其中一位好啲嘅職員幫我改返張單個價錢。
去到埋單其中一個職員語氣勁似質問我張單點解係呢個價錢，咁我解釋返件事，佢語帶質問係邊個職員同你咁講，好彩當初我入嚟有留意到職員名牌個名，仲有唔係每位職員都有名牌，如果冇留意真係百口莫辯，同埋你同事都改咗張單啦仲要質問我，而家係店方冇解釋清楚，反過嚟話我哋？
同喺又一城返工嘅朋友講千祈唔好去呢一間食，佢同我講原來亞參雞飯一早出名員工態度差劣，佢哋同事都唔會食！
上社交平台睇亞參雞飯個page見到勁多人話服務態度差，又冇客戶服務部受理投訴，食到一肚氣，食物質素又唔係好，不如唔好食
豬肉串勁油膩，醬少到唔夠點，而且係唔熱；炸魚餅其實係泰式魚餅，但應該炸過龍，感覺好乾好硬！
9 views
0 likes
0 comments
Post
