Video
Read full review
2017-02-01
475 views
近年都久唔久會嚟到大角咀搵食，睇見依區不斷變化，雖然唔喺咩變天速度，但見唔少舊樓被收購，被重建，是日中午嚟到利得街，就有一個巨型嘅市建局項目興建緊，然而，成條街仍然有唔少舊樓，地下鋪位大多數亦喺車房，不過，待市建局個項目落成，相信成條街慢慢會變得不一樣。同朋友嚟到依度，皆因從食友口中知道有間小店「The Staff」新開無耐，做菜甚有質素，早午餐亦頗有特色。因為朋友都喺晌奧海城返工，間中亦落依區食晏，小弟亦久唔久過嚟，所以，大全街、埃華街、利得街……等等，都有啲印象，過到嚟都唔難搵。而且，平時食完嘢會行過港灣豪庭拍卡，由南昌經西鐵搭一個站就返到美孚喇。踏入餐廳內，果真一派小店格局，全店大概得24個位，但裝修骨子簡約，以啡色及杏色為主調，配皮椅，感覺悠閒舒適。餐廳尾喺開放式廚房，都偷窺到師傅做菜的情況，更不時傳來做菜嘅香氣。由於餐廳喺新開關係，免收加一服務費，不過，問店長都未知幾時完個免加一，但應該都會有段時間嘅。餐牌設計超簡單，用瓦通紙黐起黑底白字嘅餐牌，食物選擇可從一張Brunch Menu及兩張A La Carte Menu去揀，前者共有7七款主菜選擇，定價由$78-$118，包一
因為朋友都喺晌奧海城返工，間中亦落依區食晏，小弟亦久唔久過嚟，所以，大全街、埃華街、利得街……等等，都有啲印象，過到嚟都唔難搵。而且，平時食完嘢會行過港灣豪庭拍卡，由南昌經西鐵搭一個站就返到美孚喇。踏入餐廳內，果真一派小店格局，全店大概得24個位，但裝修骨子簡約，以啡色及杏色為主調，配皮椅，感覺悠閒舒適。
餐廳尾喺開放式廚房，都偷窺到師傅做菜的情況，更不時傳來做菜嘅香氣。
由於餐廳喺新開關係，免收加一服務費，不過，問店長都未知幾時完個免加一，但應該都會有段時間嘅。餐牌設計超簡單，用瓦通紙黐起黑底白字嘅餐牌，食物選擇可從一張Brunch Menu及兩張A La Carte Menu去揀，前者共有7七款主菜選擇，定價由$78-$118，包一杯基本餐飲，亦可加錢轉特飲；後者就選擇多啲，由前菜、班尼迪、全日早餐到甜品多種分類。
而飲品餐牌亦有兩張，分為咖啡、熱茶、特飲、雞尾酒、啤酒及紅白酒，相信，都滿足到唔同人嘅需要。
燒蝴蝶春雞配普羅旺斯燉菜 $118春雞即喺表示日子長得唔長嘅細雞，所以，就算成隻都唔會好大，不過，肉質就相對嫩滑，燒過之後，真喺做到皮脆肉嫩，肉質細滑，非常香口。除有啲烤薯仔、烤青瓜外，仲有一小兜普羅旺斯燉，菜，即喺乜？其實小弟都唔喺好識，但味道如燉雜菜，幾香幾濃。
燒蝴蝶春雞配普羅旺斯燉菜
$118
9 views
1 likes
0 comments
熱帶雨林 +$18友人跟餐就貪得意加錢要杯熱帶雨林，其實喺啲雜莓加菠蘿汁所混成嘅梳打，加多少少裝飾，又真喺幾有熱帶風情。味道方面，酸酸甜甜，冰冰涼涼，又幾清爽。
有今生冇來世早餐 $238散叫餐牌有一系列嘅「早餐」，其中一款勁有霸氣，叫「有今生冇來世早餐」（2人用），列明所有食材，包括：茄汁豆、龍葵菇、炒白菌、昆布蘭腸、牛仔腸、露筍法式焗蛋、金銀魔鬼蛋、窩夫、蕃茄、巴馬火腿、沙律菜、煙三文魚、薯餅、紅菜頭慕絲蛋糕及士多啤梨奶凍，仲要以原塊年輪木砧板上枱，一送嚟真喺幾震撼架！不過，有少少蝦碌，就喺漏咗兩件薯餅，故另碟後上，哈哈，另外，事後先發覺少咗沙律菜。
食得出用料不賴，好似炒白菌再加一大隻龍葵菇，香賜唔喺普普通通嘅雞肉腸、豬肉腸，棄煙肉，採用巴馬火腿，感覺喺唔同啲。味道上，就梗喺更有質素，龍葵菇厚肉多汁，昆布蘭腸腸衣脆口，露筍法式焗蛋又幾有新意，巴馬火腿油潤鹹香；甜點中嘅窩夫以咖啡豆模做成，如果俾啲蜜糖沾吓就仲正，而紅菜頭慕絲蛋糕及士多啤梨奶凍都算唔錯！
有今生冇來世早餐
$238
90 views
1 likes
0 comments
拿鐵咖啡 $38小弟例牌啲要杯拿鐵，杯身印有Movenpick字樣，可理解為店家採用其咖啡豆，當然差極有個譜。奶泡又撞得均勻，無需落糖，每啖都醇香柔滑。
海鹽焦糖拿鐵咖啡 $42另一友人就唔算咁經常飲咖啡，故覺得海鹽焦糖拿鐵咖啡好特別，究竟喺鹹，定喺甜呢？拉花比我杯拿鐵更細緻、更靚，而咖啡味同樣既醇香，又幼滑，微微焦糖香，只喺覺得海鹽嘅鹹味欠奉。
食完覺得啲嘢唔錯，果然喺一家隱世嘅小店，值得翻兜，所以，朋友都專登睇睇佢哋啲午餐，有時候可以過嚟食午餐，小弟就八吓佢哋嘅晚餐，或者第時會再光顧。
此外，服務又妥貼，而且，仲留意到佢哋嘅全日早餐其中一款喺全素，下次可以帶老婆嚟一齊試試。
Post
