西香記 (Closed)

提到陝西菜， 最多人識應該都係肉夾饃同埋 Biang Biang麵， 西香記就係主打䧒西菜嘅快餐， 之前去過佢地嘅「本店」覺得幾好食，知道上環開左專登過嚟試下。但係店內嘅感覺就真係同西環果間好唔同， 無乜人， 我地去嘅時候亦無乜客 ，坐低都幾肚餓， 一於叫個套餐再加 肉夾饃，先講講個菜， 酸溜土豆絲，係真係唔好食，係完全一啲薯仔嘅感覺都無，感覺係食緊一堆酸嘅木碎咁，搞唔掂跟住個滷水雞翼， 係好有便利店嘅風情同味道茄蛋麵， 味道上佢個麵係完全同個茄蛋分離的，蛋嘅份量亦好少講完伏， 講返啲好啲嘅野， Biang Biang 麵係唔錯，有油香有辣感，無可否認係難夾啲，但係呢款麵本身就係咁，唯一係菜嘅份量好多，有想用塞飽人嘅感覺佢嘅肉夾饃，係出色嘅，特別係「千層」果款，食落包皮嘅口感少啲，無咁腬，佢仲有好幾款唔同餡料揀，真係想嚟多幾次試晒佢呀～