Burgerman (埃華街)

Open Now

Now Closed

今日同女朋友放工回家路上，行經大角咀出名最多好野食嘅埃華街。今日係放寬唔洗戴口罩嘅好日子，當然係好好食一餐慶祝佢!!行到街尾見倒Burger店，就決定同女朋友入去豪食一番。入到去餐廳雖然位置數目並唔多，但係漢堡包嘅選擇多到揀唔落手。有牛，有豬，有雞，有蝦。最最最重要係有我女朋友最鐘意嘅黑松露口味嘅和牛漢堡。特級黑松露和牛漢堡 ($114) +$22漢堡包係一個正常Size，但係加左$22 配薯格同汽水就令到個份量基本上女仔係食唔哂。而漢堡包入面嘅黑松露醬比得好多，而和牛嘅肉汁同醬係十分夾，加上包嘅最下層放左豆苗，令到個包食得黎有少少蔬平衡番，感覺好新奇。BBQ 經典牛堡 ($80) + $22我自己就揀左BBQ牛堡，因為我係十分鐘意食漢堡包配BBQ醬。今次呢個包份量好夠，完全滿足肉食獸嘅慾望，薯條係粗身個款，而份量都比得好多，最後都係食唔哂。