牛扒先生 (Closed)

今次係我第一次幫襯呢間野，平時行過一見到個價錢就已經走左去，但今日唔知點解突然想試下就入左去幫襯。今日我食左個lunchset，首先頭盤就係沙律buffet，我揀左好多菜，但我最鍾意都係個薯仔沙律。個主菜我就揀左肉眼扒配酒汁。塊肉眼扒好夠嫩，唔會太紉，但我就唔太鍾意個酒汁，食落感覺同肉眼牛扒唔係好夾咁。野飲方面我就喊左菠蘿汁，唔太酸，幾好飲。甜品就要左個抹茶紅豆牛乳布甸，個甜品真係好正，抹茶味唔會過濃，加埋牛乳布甸又夠滑，真係好想再食多次。成間鋪頭既間隔、服務、態度都好好，但唯一唔好既就係d野食好慢先黎到。不過我都會推介大家去試下。