德家日式燒肉店 (Closed)

朋友話想食燒肉，行經創興廣場記得之前係樓上食過一間燒肉放題，既然係樓下就無謂嘥時間再搵其他，去返呢間啦😆我們點了「牛肉盛燒肉半放題」，係我地劃緊食物紙其間，店員先送上五款特選牛肉及生蠔，特選牛肉賣相幾吸引，味道亦好嫩好juicy😋但生蠔味道一般！將食物紙交給店員後，就去自助區揀算食物及飲品，自助區有不同款式飲品、沙律、冷盤、火鍋配料及甜品。餐廳有為不喝冷飲的食客提供室溫飲品，亦有提供蔬菜給喜歡韓式燒肉的食客，照顧周到！餐廳上菜的速度很快，回到座位就發現食物已放滿枱上，我們食完特選牛肉拼盤後，就開始享用任食系列食物。任食牛肉的質數都不差，賣相不錯，而且幾好味，我比較喜歡牛舌，食物紙上註明是薄切牛舌，但實際上都不算薄，仲好有口感！其他食物都不錯，蔬菜新鮮，牛油鮮菌充滿牛油香，好惹味，整體都滿意😊任食甜品除了有糕點及牛奶公司雪糕外，每位食客還可自選一款Movenpick/ Haagen Dazs雪糕或維記雪米糍，我哋當然揀Movenpick啦😆餐廳裝修走工業風，而且是卡位設計，啱晒舒舒服服咁一邊食一邊傾計！轉眼間，2小時任食放題夠鐘，大家過了開心一晚😊