Video
Read full review
2023-05-13
213 views
淥鼎記 旺角好耐之前試過旺角呢間淥鼎記嘅點心同酸菜魚都好有水準。前排知道佢夜晚會有火鍋放題之後即刻book咗位嚟試，結果係好有驚喜所有嘢都勁高質👍🏻👍🏻👍🏻當晚我哋試咗最平嘅小寶套餐，限時兩個鐘，7:30pm前離座每人$238除咗火鍋之外，仲可以係六個主菜入面揀一個。要注意嘅係椰子雞，烤魚同埋牛腩都要有6位以上先可以揀。如果少過六位嘅都可以每位再加$28揀。因為之前試過呢度嘅酸菜魚好好味，所以我哋今次依然都係揀咗酸菜魚，估唔到嚟到同散嗌一樣咁大盆，魚肉完全唔會腥，肉質超級滑，同之前一樣咁高質，好食過好多川菜餐廳，推薦大家一定要試！！另外每台都會有兩碟前菜包括毛豆同埋蝦，本身對呢啲前菜都冇乜期望，但估唔到個蝦好好食，煮法類似麻辣香鍋，辣味好香，蝦嘅肉質都唔差。同行朋友唔食蝦，最後我自己一個食晒😋😋🤣鍋底方面都有六款選擇，我哋嗌咗海皇海鮮鍋，鍋底一嚟到好香蝦味，入面都放左唔少蝦食物選擇方面肉類同部分丸類就可以scan QR code落單。有齊豬牛羊雞蝦丸等等。肉類一嚟到賣相就超級靚，一睇就知啲肉係高質嘅，絕對唔係平時出面放題食到嘅質素，甚至我覺得好食過某啲散嗌嘅火鍋店。所有肉肉味道好出口感
好耐之前試過旺角呢間淥鼎記嘅點心同酸菜魚都好有水準。前排知道佢夜晚會有火鍋放題之後即刻book咗位嚟試，結果係好有驚喜所有嘢都勁高質👍🏻👍🏻👍🏻
當晚我哋試咗最平嘅小寶套餐，限時兩個鐘，7:30pm前離座每人$238
除咗火鍋之外，仲可以係六個主菜入面揀一個。要注意嘅係椰子雞，烤魚同埋牛腩都要有6位以上先可以揀。如果少過六位嘅都可以每位再加$28揀。因為之前試過呢度嘅酸菜魚好好味，所以我哋今次依然都係揀咗酸菜魚，估唔到嚟到同散嗌一樣咁大盆，魚肉完全唔會腥，肉質超級滑，同之前一樣咁高質，好食過好多川菜餐廳，推薦大家一定要試！！
另外每台都會有兩碟前菜包括毛豆同埋蝦，本身對呢啲前菜都冇乜期望，但估唔到個蝦好好食，煮法類似麻辣香鍋，辣味好香，蝦嘅肉質都唔差。同行朋友唔食蝦，最後我自己一個食晒😋😋🤣
鍋底方面都有六款選擇，我哋嗌咗海皇海鮮鍋，鍋底一嚟到好香蝦味，入面都放左唔少蝦
食物選擇方面肉類同部分丸類就可以scan QR code落單。有齊豬牛羊雞蝦丸等等。肉類一嚟到賣相就超級靚，一睇就知啲肉係高質嘅，絕對唔係平時出面放題食到嘅質素，甚至我覺得好食過某啲散嗌嘅火鍋店。所有肉肉味道好出口感啱啱好，一啲都唔韌，最好味嘅就當然係嗰兩款安格斯。而其他食物同飲品就可以喺出面拎，選擇都還可以，主要都係食肉類為主。飲品都幾有特色，除咗包裝飲品之外仲有三款唔同嘅茶可以揀😋唯一可以挑剔嘅位就係冇甜品食，感覺爭咁少少嘢，如果有部雪糕機會滿足啲🤣
整體而言極度推薦大家嚟食，當晚見到有幾台客到來慶祝生日，亦都聞到隔籬枱嗌咗雞煲做主菜味道好香🤣下次都想試吓🤣最後提提大家，記住要book位餐廳，平日夜晚都好爆場！
Post
