金山粥店

Open Now

Now Closed

今日約了幾位Openrice 的食友去西貢行山，前一晚去了朋友的party，而該處又好近西貢，所以今早就有順風車來。時間未到，一起在西貢市吃早餐。兩個人來了這裡，呢度在西貢市入面的橫街窄巷，老實講不是她帶路，有地址都幾難搵到來呢度。星期天的朝早八點半九，估唔到都幾多人，還有不少人在買外賣。呢度只一小舖，得四張圓檯，所以坐得幾迫。叫了蝦米腸及炸兩、艇仔粥同魚片粥。呢度腸粉即拉，應該質數不錯。個人意見，如果一間舖賣的腸粉是別處交來的話，會有幾好吃？蝦米腸有大有小，要了碟大的，果然是一大堆，腸粉內蝦米及蔥花落足，味道不錯。腸粉好滑，亦因上檯前掃了油，所以亦油潤，七蚊一碟，值食又好食；炸兩內的油炸鬼太脆，欠了炸兩應有的口感。可能有朋友喜歡吃脆的炸兩，但個人覺得能做到有油炸鬼口感的炸兩更好。這裡的油器是別處交來，應是做不到那個水準了；粥亦不差，雖然粥底不夠綿滑，但勝在沒什麼味精。魚片不算新鮮，味道一般。反而朋友的艇仔粥幾多料，比魚片粥更吃得過。吃後是有點口渴，但相信味精是來自腸粉的豉油，而非粥。埋單50蚊，雖然以這環境是略貴，但行山前食碗粥做早餐，也不錯吧。