金山粥店

Open Now

Now Closed

💫店舖位於小巷入邊 要細心啲搵如果唔係會錯過佢 價錢好抵食但係味道好淡 料好少💫炸兩腸 $19平日12:00去買，油炸鬼已經炸好咗好耐，所以唔脆口。但份量幾多。💫豬潤魚片粥 $27豬膶同魚片份量好少，見到佢係即煲一細碗然後加粥水，所以好稀。但好熱辣辣的。💫艇仔粥 $27唔係正宗艇仔粥嘅材料，滿足唔到想食艇仔粥嘅慾望。

到西貢一定要來食即叫即整的炸兩及冇味精的粥❤️平靚正，埋單$44😁肉片粥充滿著濃厚家的味道，因為完全冇味精，粥夠棉密，搭配著滑嫩的肉片，每一口都讓我感受到溫暖和滿足 😋。而炸兩外面的腸粉十分薄及滑，內裏的油炸鬼炸得金黃酥脆，一口咬下去，能聽到清脆的嘩啦聲音，口感酥脆又多汁，這兩款美食絕對是下午茶的完美配搭 💥😋

當年牛下有間粥鋪，阿叔伯即場做布拉腸粉同炸油條，小時侯好鐘意棟係隔離睇，感覺好治癒米漿一勺，客人要咩腸就落咩料；蓋上，蒸熟透，熱氣騰騰，徒手起白布，扯下粉皮，捲起，切切切，上碟，落豉油。整個過程都好正！金山係我其中一間西貢心水食店，每次經過都會點炸兩或蝦米腸；皮滑，油香，醬甜，油條鬆化。除左好食外，仲私心滿足我眼球，這份治癒感，身心滿足但得知許姑娘唔做，阿姐又話雞粉黎緊都會唔做，真係有點唏噓

究竟因為農曆新年所以開晏D？定係已經改咗個營業時間好耐？印象中呢間西貢名物好早收，通常只可以一早黎會一會佢，今日下午3點幾仍然食得到真係行好運。炸兩大大份好味道，入面的油炸鬼微脆。艇仔粥有面有炸魚片，幾搞野。魚片粥D料好足好多魚片。呢碗係魚腩粥，D魚腩都幾新鮮，即叫即滾係唔同D嘅。齋腸味道都唔錯，而且又係好大碟。油炸鬼就麻麻地。

走進呢間屋企附近嘅粥店，首先被人潮嘅活力所吸引。今日心血來潮點咗碟炸一兩同叉燒腸粉，味道好正宗，又帶濃濃嘅家常味。炸一兩鬆脆得黎唔會太油，夾住辣椒醬食真係一流🌶️！呢度嘅叉燒腸粉鮮味十足，叉燒豐富多汁，皮滑嗲嗲，淋上特製豉油醬汁，一啖嘅香甜，直頭令人回味無窮。坐喺舊式鐵皮屋裡面，食嚟個種樸素無華嘅氛圍更加突出呢啲平民小食嘅美味。好彩坐定定等咗五分鐘，就有位，間店熱鬧歡喜，食客嘅笑聲同交頭接耳嘅聲音不絕於耳。店鋪陣陣嘅粥香夾雜著米粉嘅醇厚，飄香撲鼻，喺周圍跳躍。望住姐姐手上捲得咁麻利嘅腸粉，真係相當過癮😋。街坊味重過嚟咁貼地，值得一試再試。

當知道今年街渡會加開航線連去到平時少去嘅島嶼都可以坐街渡所以呢個星期又入左西貢因為要趕1100班次 選擇唔算多上船前食碗粥打底先 喺碼頭行都要7分鐘呢店舖係睇得出嘅古舊 不過都乾淨的 我地嚟到嘅時間已經近11點了早茶嘅客已經走得7788 但都好好彩俾我見到師傅用即拉腸粉包炸兩我揀左鯪魚球生菜粥好大舊鯪魚球 都有5-6件粥底好綿 都幾大碗另外叫左個炸一腸即係用蝦米腸包半份炸兩新鮮整係熱辣辣 脆卜卜的一次滿足兩個願望總括係搭遲左一班船都值得食嘅早餐！

走進這家食堂，味蕾就已經跟我打招呼喇！一啖滑嫩牛肉粥，熱氣騰騰，好像返到小時候媽媽嘅廚房。粥裏頭牛肉嘅滑度噌噌的，入口即化，同埋嗰啲豬腸鮮香又唔膩口。煎堆仔嘛，我啲朋友話係「小」，但頭一咬落去已經爽到噴汗😅，微脆嘅皮同內裡鬆軟嘅糯米，真係配合得好完美！走一轉埋炸兩同蝦米腸度，腸粉滑而唔膩，個表面微微帶點金黃色，啖啖肉，夠晒口感。蝦米彈牙，增添咗層次感。記得啦，要早啲嚟，唔好錯過啲油器，真係熱辣辣嘅狀態最正宗！班街坊嚟買外賣，一過口就知，呢度係西貢嘅味道天堂。留意嘞，要搶好嘅位，記得要提早到。呢度簡單嘅環境，專注嘅味道，才係真食足本嘅享受👍！

去得西貢多嘅人都知道呢間老字號粥店有幾囂張😂😂基本上你唔係晨7嚟到西貢都唔使旨意可以食到因為一點左右點佢就會賣曬嘢然後下晝佢就會閂門😂但係呢度嘅布拉腸粉真係世一🤤🤤🤤平時好少影拉腸粉今日影低咗幾張相真係睇到都好想食！！識食一定係食蔥花蝦米炸兩！！啲蝦米真係好香🤤條油炸鬼真係好脆🤤條炸兩切落去每一下都係脆卜卜！！！另外就咁蝦米腸都好正👍🏻加埋佢好好味嘅甜豉油真係一絕👍🏻👍🏻

老公突然想去西貢逛，又想食粥，本來以為西貢只係得海鮮與咖啡，點知有間老粥鋪，一家3口晨早09就到黎試下，抱住一般般嘅心態黎，點知有驚喜。這間老鋪位於舊街小巷中，有點難找，店舖都是老裝修，店內冷氣雖然已經盡開，風扇亦有2把，但依然有點熱。店內只有老闆娘及1位姨姨，而且買外賣的街坊客甚多，專程坐車來的老顧客亦有，即刻有期望😂我地叫了一碗碎牛皮蛋粥，豬潤魚片粥，炸兩，叉燒腸。粥並不是很大碗，但軟綿沒味精，料亦不少。炸兩有驚喜，是小時候的口感呀，腸粉即拉夠滑，油炸鬼則是脆的！好耐冇試過炸兩入口是脆的，好開心！！叉燒腸亦不差，只係俾炸兩的驚喜比下去。等秋天，我們會再來😁

已經係老字號既金山粥店，今日11點幾路過終於食到平時經過係下晝2:00幾去已經閂門啦叫咗碗夾底粥 另一碗係滑牛粥~啲料既味就好夠既，粥底本身個味就偏淡啲~ 但去okay去對得住個價錢啲粥大部分去30蚊有找ga la ~ 另外叫咗炸兩同油炸鬼試下~ 相比下，油炸鬼上碟已經攤凍咗，亦都唔脆口~ 我就唔係好推薦啦~反而即叫即蒸既齋腸同蝦米腸好食呢個份量係大size~ 15蚊一碟，如果無多啲人share叫細size都好足夠啦！

佢位於海鮮街旁邊嘅小巷，唔似其他連鎖店，處處留有懷舊嘅味道，今日諗住去半月灣個邊就順便去食個早餐～炸兩 $18真係大大碟，份量絕不欺場，適合3-4人share，欣賞腸粉上嘅蝦米令到炸兩更惹味，仲keep到少少脆；腸粉就正常水準蝦米腸 （大）$14由於腸粉唔夠滑，所以個人會偏好炸兩多啲肉丸粥 $25粥底唔錯，夠味夠潔身，肉丸雖然唔係手打，但大大粒，味道都ok總結：如果單論味道，我覺得就中間水準，為驚艷味道而來可能就會失望；不過相信除咗味道，都會有人想去懷舊一下，體驗下小店嘅人情味吧？地址：西貢西貢正街21號地舖評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️⭐️價錢：⭐️⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～

地址係寫西貢市中心正街但跟咗google map兜咗幾個圈先花一番工夫先搵到鋪頭係邊鋪仔細細 有啲舊 大約四五張圓枱一個唔太就腳嘅位 又幾多人食筷子食拎起手痴立立咁唔係洗唔乾淨嗰啲 係個質地變咗門口有個姐姐腸粉檔炸兩好味皮蛋瘦肉粥普通無甜醬麻醬供應

今日參加遊西貢舊區嘅本地團，導遊介紹呢間粥店遠近馳名，唔少人專程入嚟西貢食佢嘅即蒸拉布腸粉。聽完導遊講之後，我哋趁今日行程完結，就衝過來食腸粉。大約下午三點來到，發現舖頭正在清潔，才赫然發現原來平日舖頭是下午二時關門。可能因為仲有米漿和粥水剩，陸續有食客到來表示想食腸粉和粥，店主都能即叫即整。既然導遊都指明佢嘅腸粉米漿配方係做得好，我當然要試吓啦！叉燒腸粉 ($18)即叫即整拉布腸粉，叉燒係喺雪櫃拎出嚟，保存得好。果然新鮮整嘅腸粉係好食，而佢令我最驚喜係腸粉皮有一定厚度得來唔會好硬實，依然保持到好滑，又帶少許煙韌，的確係比一般粥店嘅腸粉做得好。 可是豉油比較鹹，亦唔係太特別香，比較可惜。齋腸粉/蝦米腸粉 (大 $14)本身我order咗份大嘅齋腸粉，但佢竟然來咗半份係蝦米腸，而呢半份蝦米腸我早喺入舖頭嘅時候已經見到擺咗喺門口😑 齋腸同蝦米腸價錢一樣。Anyway，阻到佢收工都肯幫我整我就算啦😓。好彩雖然蝦米腸比較凍，但係味道依然保存得OK。而齋腸當然係好食啦，熱辣辣新鮮整好，只係點豉油已經夠味。本身我唔食蝦米，不過蝦米腸裏邊加咗蔥，比較香口，如果有得蝦米腸走蝦米就好喇哈哈😄

年初與儍爸來了個西貢遊本來諗住搵間 cafe 嘆杯靚咖啡食個晏經過西頁舊村一間好傳統的粥店見到師傅在門口的腸粉車仔整緊布拉腸粉 ...就入去食碗生滾粥和布拉腸粉啦 !!!本來要點客布拉腸粉但見到餐牌有個『炸一』咁特別就叫來試吓 ...『炸一腸』是用單邊一條油條製成的炸兩份量較細，適合細食的食客炸一腸〈HK$14〉份量很足，裡面包著的油條很大件油條脆中帶韌度，嫩滑的布拉腸粉加了蝦米和蔥花味道很豐富，配上甜醬和芝麻醬更美味 ~~仲點了碗愛吃的 ... 豬潤滑牛粥〈HK$25〉即叫即做的生滾粥，上枱時熱騰騰，小心燙嘴豬潤爽滑腥，粥底火喉足，綿滑清甜又有米香** 以上分享是以我的口味、體質和情況作出分享及感受，一試 / 合用與否請自行決定

放一天的假，送了子女上學之後，我同太太就留在西貢，等女兒放幼稚園。小朋友返晒學之後，我們的首要任務就是吃早餐。在幼稚園門口，我們想了飲茶，也想了咖啡店。但當我們準備行入去西貢舊墟內時，我突然想起，不如食碗粥，食腸粉。於是，我同太太就來到這鼎鼎大名，我們亦久違了的《金山粥店》，不是食夜粥，而是食個早餐粥。裝得滿滿的皮蛋瘦肉粥，是我每一次來都必點的良物。白滑的粥底，味道是清甜的。有軟綿綿的口感而且每一啖都充滿了米香。碗底的咸肉同皮蛋的份量不少，輕輕的咸肉同皮蛋就有粥水中慢慢地散發出來，令這一碗粥，越食越有味，感覺一流。有粥的地方通常都會有腸粉，而我就選擇了豬潤腸。此店的腸粉，永遠都會加上蔥花，所以吃起來特別的香口，此外，豬潤是剛熟的，剛熟到血色剛去而保持嫩滑，再開心的就是豉油又濃又香又甜，非常美味。蔥花蝦米炸兩腸，本以為叫炸兩就只會是油炸鬼加腸粉。出到來才知是加了蔥花及蝦米的版本。加了蔥花同蝦米，令到本已經不平凡的炸兩腸更香。因為前出來的炸兩腸加了蝦米，太太不能吃。所以我們另叮囑叫店方整一份素炸兩腸。炸兩夠新鮮夠脆已經是令人開心。食用時，再加上非常甜的甜醬同非常香的芝麻醬，味道變得更可口。