第三代肥仔小食店

Open Now

Now Closed

肥仔滷味串厚福街呢間肥仔滷味，冇旺角果間肥姐排隊店咁多人，我差唔多次次經過都會買幾串黎食，貪佢唔洗排隊，味道又同肥姐差唔多。$26買左三串滷味串，分別係大墨魚、紅腸同埋雞腎。論味道今次就唔係好入味，不過一定要叫老闆加甜醬同芥辣，再加埋鹵水汁，好味到不得了。三串入面我最鍾意大墨魚，因為夠彈牙，其次就係雞腎，都係有口感得黎又唔靭。呢間舖都幾企理衛生，一串串滷味整齊排列好，你睇啱邊樣揀果樣，如果心大心細就可以揀套餐啦。