第三代肥仔小食店

Open Now

Now Closed

旺角的肥姐小食做到好出名, 想掃街的話都會去搵肥姐, 次次經過, 檔口都排哂長龍, 打哂蛇餅, 上次小第在旺角的肥姐小食, 要食一串大生腸都要排成十幾分鐘隊先有得食。原來肥姐小食的傳人在尖沙咀厚福街新開了一間「第三代肥仔小食店」，可惜人氣未及肥姐小食, 路過店舖未見人龍, 是晚有點事要到尖沙咀辨, 雖然衝忙, 但見有小小空檔時間, 便順道試試。基本上在店舖裝飾,、食物類別、價格方面都同旺角肥姐小食非常相似。今次想試多幾款, 所以點了個皇牌套餐包括有大墨魚、火雞腎、細生腸各一串。大墨魚: 每件是份量十足，切得大片夠厚身，論口感的話，比生腸更加爽口, 也不會太韌, 入口時感覺到相當爽脆。火雞腎: 雞腎一樣爽口彈牙，口感唔錯, 最重要是毫無腥味, 清潔功夫做得好, 但係鹵水味不太豐富突出, 要靠甜醬和芥末的味道。細生腸: 每件生腸大小適中, 鮮味十足, 入口彈牙, 口感好煙韌, 加上甜醬和芥末的味道, 是非常夾。大致上水準未及旺角肥姐小食, 沒有了那種溫度微微凍, 特別爽口的感覺。 但是如果路過尖沙咀又想掃街的話, 就多了一個選擇。