大利清湯腩 (Closed)

大利清湯腩有3間，鰂魚涌果度唔會去，天后舊年係果頭返工食過幾次，今次係灣仔食，老舖係唔同d，感覺好食d，但我又講唔出咩唔同識食梗係清湯腩啦，真係湯都飲埋，牆上都有標語，唔飲湯就走寶，永遠肉跟少少肥係香d，少少肥既定義個個人唔同，半肥瘦對我黎講太肥，1/4我覺得剛剛好，好稔食完都唔洗用牙簽挑，河粉都幾爽滑男友叫咖哩牛腩，我見到好似好肥，試左少少咖哩汁試味，男友就食得好滋味腩汁蘿蔔$15蚊都幾大兜，仲好甜諗到同天后分店咩明顯唔同啦，就係個辣椒油，好香又唔會死辣