順酸辣粉

Open Now

Now Closed

香港人真係咩米線都喜歡食，我朋友仔都唔例外，今次係虹橋呢間米線，絕對有驚喜。好，坐低睇下有咩好食先。麻辣牛魔王米線，牛𦟌半筋半肉好有彈性，五香牛肚，好腍好入味，份量都好多，非常抵食。胡椒豬骨湯米線，叫左魚腐、辣腩肉，腩肉半肥瘦超正。胡椒豬肚骨湯，個味好胡椒，連米線都索到胡椒味，直頭覺得個湯可以就咁飲，配料仲有蔥、香菜和芝麻，味道更多層次。炸素食雙拼，炸物熱辣辣即炸。凍雪咖啡，咖啡滑啲，有奶香，我唔咖啡都偷飲左一啖。檸檬桂花蜂蜜，飲到檸檬味又飲到桂花味，層次好分明。