Thirty First of May (Closed)

荃灣大壩街有唔少可以食西餐邊嘆邊傾既餐廳，今日行過呢度，見到街巷有間店面風格幾簡潔優雅既西餐廳，感覺吾錯，決定入去試下。店員帶我同朋友去到餐廳內的角落位，我地揀左澳洲M5和牛肉眼扒2人套餐。餐廳內的傢具和裝修主要用上灰、黑藍和木材，感覺幾和諧。抬上頭最浪漫既事情發生左，竟然有兩顆極像真實的月球係天花，好適合同男女朋友望住月球撐枱腳呀！三文魚、牛油果沙律配脆包粒所有材料都好新鮮，蕃茄夠酸甜，麵包粒真係超脆口，再配上蜜糖芥末汁，非常醒胃。甘筍湯甜甜地好飲黑松露蘑菇湯佢將蘑菇打碎左再加上忌廉煮成湯，打碎左蘑菇味十足，再有黑松露令整碗湯的濃郁味好正，好想飲多幾碗！卡邦尼意粉用上日本蛋、24個月巴馬臣芝士、蛋黃醬製成既卡邦尼意粉，香味濃郁。M5和牛肉眼扒配牛油薯蓉和牛煎得剛好，吃上口多汁，仲有牛油薯蓉一齊食，非常滿足。能夠以588元呢個價錢食到沙律、餐湯、多芝士既意粉、m5和牛，每人300元都不用，真心抵食！而且餐廳有留意客人食完一樣先再上另一樣，夠曬細心，好適合鍾意慢慢食慢慢傾既朋友仔黎食。