燒洒一族 (顯徑街市)

Open Now

Now Closed

之前成日聽我朋友講，每次入 #大圍 都要去買豬手，我仲以為佢咁乖仔，特登買隻豬手返屋企俾阿媽做餸😅 呢日我哋又約埋 #游乾水，當然要有啲 #小食 嚟相伴啦🤤 原來佢哋已經買到熟曬，飲完茶落樓就轉入街市... 我真係大鄉里，原來而家啲 #街市 裝修得好鬼死靚，兩旁嘅 #小食店 都很骨子。行到嚟「燒洒一族」，一隻隻豬手、燒雞... 離遠已經向我哋打招呼😅 我朋友二話不說已經叫咗隻大豬手，另外加咗幾隻 #糖心蛋 打包外賣。入到門口冇幾耐，大家已經急不及待打開個盒嚟試食，味度比我想像中咸咗啲... 送酒應該一流！不過肉質都好有彈性，而且個 #燒豬皮 亦燒得好香脆，冇諗過地道小食都可以咁有水準😃 怪唔之得我班朋友次次都要嚟幫襯啦😉