德國餐廳 (博文街) (Closed)

Das Bier係一間連鎖平價德國餐廳，一早聽朋友講過幾抵食豬手又好食，不過最初只有大埔店對我黎講實在太遠，近哩一年Das Bier喺大角咀都開左分店，終於有機會試喇～！！餐廳除左例牌有度體溫同提供消毒搓手液之外，每舍食客仲有一個口罩套，非常貼心。Das Bier有散叫亦有套餐，其中佢地嘅二人就最抵食，$398有墨西哥脆片、德國香腸、鹹豬手同兩杯野飲，非常抵食。不過個人覺得二人餐兩個人其實好難食得晒，基本上要三個人先食倒。所以最後我地都係散叫。Somersby Apple Cider($62)夠晒冰凍，一啖豬手一啖啤酒堅係正！Grava Juice($40)石榴汁酸酸甜甜幫助消化，食德國菜咁多肉飲返杯就啱。德國鹹豬手配酸菜及薯仔沙律($218)鹹豬手好大份，如果本身唔算太肚餓或特別大食，絕對夠兩個人食。豬手皮脆卜卜，但又唔會好硬，好好食。豬手肉質肥瘦適中，少少鹹唔會太韌，我鍾意濃味就覺得蘸埋芥辣醬好食啲。豬手旁誘邊仲有薯仔沙律同酸椰菜，酸椰菜酸酸地幫助消化食完冇咁濟。總結，豬手堅好食冇令人失望，套餐抵食過散叫好多，不過由於份量太多，建議最少三個人黎食。