蛇王熙

Open Now

Now Closed

呢幾日天氣終於凍喇！！！女仔一凍手腳真係冰冷唔舒服，所以朋友就提議一齊去食個蛇羹暖暖身其實我之前都未食過蛇嚟到門口見到已經有幾位客人排緊隊等位，睇嚟大家諗法都相同不過都好快就可以有位入坐lu so happy!! 因為真係好餓喇其實係門口等位時同朋友已經決定一人一個蛇羹餐，脆皮膶腸飯同蠟腸糯米飯各一款share 一齊食！花膠會蛇羹同前菜好快就上檯蛇羹上面係我最鍾意食嘅脆脆（其實我唔知佢應該係咩名）而蛇羹真係好好好好足料呀！！唔會好水，可能有花膠嘅關係？而且材料十足，幾乎每一啖都食到肉超滿足花膠仲唔會係碎碎甚至搵唔到嘅狀態，而係可以搵到一條食到佢口感嘅花膠轉頭就上埋兩個飯喇！極之欣賞個脆皮膶腸！！表面脆脆，入口唔會得肥肉仲要非常濃香嘅膶味，不得了真係一條膶腸已經可以食一大碗飯！而糯米飯味道都唔錯，口感煙韌，上面又會舖上花生加多口感同味道只係我已經比個脆皮膶腸完全吸引落去⋯⋯食唔停口下次嚟要試埋佢個叉燒呀，原來都係推介架！