SuperNormal (淘大商場2期)

Open Now

Now Closed

放工相約朋友來吹水食飯，呢度有酒有小食，另外亦都有正餐主食， 黎Happy Hour或者食晚餐都可以。先叫咗個酥炸魷魚（$78 ），開頭以為係魷魚鬚，不過原來係炸魷魚圈，份量都幾多，而且外表炸得酥脆，魷魚都不過不失。餐牌上寫着極力推介呢個「柚子麥啤浸脆皮德國鹹豬手」（ $188 ），即管叫黎試吓啦，佢寫明自家釀制柚子啤酒8小時，之前我哋自己屋企都整過，發覺真係一啲都唔容易，而呢個就整得好好。豬手好大隻，外皮焗得好脆，同時裏面依然嫩滑，配有酸菜和蜜糖芥茉醬，好好味，而且佢切好晒一件件，方便進食！果然值得極力推介！另外我叫咗杯「檸檬蜜桃蘋果梳打」（$38 ），都係普通果味和檸檬梳打咁上下。