六小館

🫖六小館🫖去完主題公園，通常都會去東涌嗰度食，好少行戲院嗰邊，原來嗰邊好多嘢食，沿着扶手電梯不停尋找美食周圍望吓邊啲舖頭比較特別啲，見到有間叫六小館，裝修精緻，坐得舒服，好啱帶住小朋友，座位寬敞，於是就入去試吓啦😊職員有禮，簡單介紹有啲乜嘢係出名，其實求其坐一個位都好舒服，因為裝修好特別。走新派粵菜fusion路線，墨綠色為主題感覺好舒服，清新的格調夾埋懷舊設計咁。🫖冰爽水魷魚：用獨特嘅製法，令到魷魚好爽口，另外用四川口味特調嘅醬料，唔會太過辣，恰到好處，夏天吃好開胃。🫖魚蝦蟹鍋燒豆腐：唔好以為佢平平無奇，係用魚肚，鮮蝦，蟹肉，配上炸過嘅豆腐，首先講吓個豆腐出邊炸到剛剛好，入邊係好滑，然後魚肚好索味，處理過的鮮蝦醃得好，仲有啲蟹肉伴住個汁。🫖吊銷脆皮雞：呢個係餐廳嘅主打菜式之一，店員說這個好好賣。嚟到已經香噴噴好新鮮，外皮好脆口但係完全沒有油脂，雞肉好滑。然後再介紹吓三款醬汁，黑蒜醬，薑蔥醬，四川麻辣醬，每款食落去都有唔同嘅感覺，令到個雞味提升左。